Kouma tou mama
Nou finn strese
Et finalman gran zour finn vini
e nou finn santi nou beni.
Ti bebe dou dan lebra
Nou finn plore
Nou finn riye
Ek nou finn koumans reve
De zan apre
Nou finn remarke
Ki nou bebe ti pe tarde
pou devlope
Nou finn desid pou konsilte
Pou kone ki pe arive
Enn mo finn rezone
L’Autisme
Me nou ti ena lespwar ki tousa
Se pa larealite
Apre enn an
Pena sanzman
Diagnostik tonbe
Leker kase
Nou bann rev anvole
Nou plore
Nou pale aksepte
Kifer nou bondie ?
Kifer nou zanfan bizin diferan?
Enn zour, nou desid pou releve
Nou desid pou avanse
Lame dan lame
San kone ki pou arive
Nou pa le abandone
Nou esey fer tou pou ki
nou zanfan devlope
Nou resi trase pou ki li gagn
so plas dan lasosiete
Li pa ti fasil toulezour
Ena zour kot nou ti deprime
Ena zour kot regar ek komanter
dimounn finn fer nou
Anvi les tonbe
Ena zour kot nou pa finn anvi
get larealite
Me si nou la zordi se parski
Malgre tousa nou finn resi releve
Et nou pou kontinie konbat bann
prezize ek bann inegalite
Pou nou bann zanfan ki fer nou fierte.