Sans oeillères ni coton…

The proof is in the pudding
— Éta Ti-Louis, ki position ? Ki latest ? Mo tann dire to pé vinn boxeur tout.
— Hey assez avec to bann kozé détourné-là. Vinn avec to bann question direk.
— Non Ti-Louis, mo zis pé tann enn kozé qui to finn alle bouche lizié Le Turban et ki zafer pas finn bon.
— Pas moi sa chef, mon ami de 30 ans qui ti pou vire son turban. Li finn vini deux jours et lors la li pé rode enn bye lors la place. Finn zis montré li kot nous plante pétard et qui bizin éna ousi dibois piondenn.
— Ti-Louis, avec toi ki ena dialogue seulement. Mais dire moi ki pé arrivé avec sa ti kozé tempo chaud ki mo pé tandé la ?
— Ki, Zaza pé vinn fer campagne dans Senn Mars ? Mo ti croire li finn tap plein dimanche dernier et qui li kapav dormi lors so deux zoreil aster.
— Ta Ti-Louis, pas tempo Zaza, mais Tempo, Lover Boy et Tête Pied Ni.
— Sa tempo-là to pé kozé. Hein, oui ta, bel-bel kozé, bel-bel remerciements mo finn tandé lors télévision. Sancho Panza ti enn vedette tout, tann dire qui dépi l’année dernière pé préparé mem kouma dire sa Christmas Pudding-là. Dire moi enn zafer seulement, Code d’Éthique qui dire, No Problemo ?
— Ti-Louis, Sancho Panza gagne droit content souval…
— Oui mo d’accord avec toi, kifer dans tiercé li pas donne sa ?
— Koumsa sir the proof is in the pudding…