Vive les vacances !
— Éta Ti-Louis, ki position my friend ?
— Dire moi enn coup, manière pé allé, lécourse pas près pour fermé ?
— Ti-Louis, to finn manz mous zonn zordi ? Mais mo kontan mo rétrouve mo Ti-Louis. Kifer to pé dire sa zafer ki porte Malheur-la ?
— Ki porte Malheur ? Malheur fini abatt, to pas pé ou to pas lé trouvé ?
— Calme-toi un peu ! C’est pas trop bon pour ton coeur. Fer kouma Terraman, prend tout to létemps pou causé. Mais seulement, Ti-Louis mo reconnaitre ki c’est pas totalement faux séki to pé dire. Guet Duchesse même ti pou vinn pétard fizet.
— Sa dépi deux l’année pé allé koumsa. Mo pé cause jockey avec toi, to finn trouvé komyé finn sispann dépi ki zafer finn largué ? Ton nek tann 2 semaines, 8 semaines, 4 semaines pé allé même. Mo croire finn arrive 8 ou soit 9 ki dans karo kann — la.
— Ti-Louis, Le Shérif ek so l’équipe pé fer so travail, to pas capave plaigné même asterla.
— Mo pé plaigné ? Croire cinéma même toi. To pas trouvé ki sa bann sispension-la koumadir pé donne zot vacances. Si zot fané kouma Shérif pé trouvé, c’est dans zot poche ki bizin mett lamé.
— Ti-Louis, bann Anglais-la finn dire pas fer sa…
— Ki Anglais, Anglais, Anglais to pé cause ar moi ? Mo pé dire toi la réalité nous la terre mama Moris. Ici zot pas monte souval tous les jours kouma kot bann Anglais. Kan sispann deux ou trois semaines zot pou dire vive les vacances, car déhors éna compensation sa. Kitfwa gagne plis ki l’écurie donné…
— Bézé sa Ti-Louis, sa bann Anglais-la, enn bann Anglais potisse même sa.