Sans oeillères ni coton…

Josef vendu par ses… frères
— Éta Ti-Louis, ki position ? Alors, ti moment à gauche, ti moment à droite mo trouvé. To pé vinn kouma sa bann souval fou ki finn sap dans stall la. To pé allé dans tou direction.
— Ayo brother, pas kozé. To pé dire souval fou, moi mo bien croire nous dans la maison des fous. To népli koné kisannla chef dans sa lakaz-la.
— Mon Dieu. Ti-Louis, zafer séki finn passé vendredi la bien grave. Moi mo pensé ki Clark Gable népli dirige narien dans la maison des fous. To fer moi croire, li pas ti encore mem fini fer so cinéma devant la presse ki communiqué ti fini préparé.
— Sa nanien sa mo frère. Mon tann dire que Big Boy…
— Ki M. Limposte… ?
— Oui ta, li mem. Avant même ki film-la ti commence joué dans la rue St-Georges, SMS lors SMS li finn avoyé pou dire « je me désolidarise ». Mo dire toi enn bien mové cinéma sa.
— Ti-Louis, manière mo ti pé trouvé, mo ti croire acteur principal mort avant film fini. Sirtou sa action kot M. Bicyclette et M. Loterie travaille so bann second rôle la pour tire sa communiqué-la. Mo dire toi kouma dir Joseph vendu par ses frères.
— Mais seulement enn zafer mo pas comprend. Explik-moi, mo ti tann dire ki Clark Gable so bann jours ti pé compté, dans confessionnal mardi dernier. La corde a été tirée et son bann bourreaux fini pend position, mais kouma enn dizef gaté, tout finn coulé.
— Hey brother, pas blié ki chacun konn pésé so kamwad dans sa zafer-la. Clark Gable enn vieux acteur sa… so bann vieux réplique faire bien souvent dégâts.
— D’après l’ordre la Ti-Louis, chacun pé cachiet pésé so kamwad.