Sans oeillères ni coton…

Le baptême du dimanche
— Éta Ti-Louis, ki position my friend ? En tout cas, mo finn bien trouve toi dimanche. Sa qualifié sauté la ? Matlo ! Koumadir to même propriétaire kot Tonton Rama.
— Hey camarade, mo dire toi pas veille mo zafer. Kouma mo camarade l’Imposte dire : mo laisse toi fer tapaz.
— Manière mo trouvé, to senti toi fort asterla. Ki arrivé ban camarade, fine rétrouve ré-ré ensemble ? Le Ruban Bleu a fait ses effets mo constaté.
— Mon ami, séki to pé dire la, on appel cela le passé. Mo déza dire toi croire dans séki to pas croire et pas croire dans séki to croire.
— Éta Ti-Louis, enn bann dialogue l’écurie même sa. Ki mo bizin croire ki mo pas croire ?
— Les ennemis d’hier sont les amis d’aujourd’hui. Les ennemis de mes ennemis sont mes amis.
— Ki sa qualité fine arrivé la Ti-Louis ? Donne nouvelle encore.
— Ki nouvelle to oulé, to croire mo lagazette sifon blé moi ? Si to ti anvi gagne nouvelle , ti bizin vinn dan baptême.
— Ki ti éna baptême tout dimanche ? Zafer-la pé allé la vitesse d’un métro sa.
— Siouplé, vitesse métro la campagne hein, pas la ville. To koné Bruce Springsteen… fine rebaptise li mo dire toi. Zot appel li Kamajudas asterla.
— Kamajudas… To sir ? Mo croire zafer la bien pas bon alors.
— Asterla laisse mo dire toi enn zafer avec sa baptême la. Pour le coup, Anop Chévé Blanc so zafer pas bon pour l’année prochaine.
— Kifer Ti-Louis ?
— Li même parrain Kamajudas ta, to croire Clark Gable pou accepter li comme candidat ?
— Ayo papa, ala laguerre commencé…