Sans oeillères ni coton…

Allo quoi?…Habemus papam?
— Eta Ti-Louis ki position, kot to ti été koum sa la semaine dernier? Ki to pé commence cachiette depuis aster la même?
— Non ta, ki cachiette to pé causé la? Ti un peu fatigué, mo fine prend ene ti repos pour mieux aborde sa la fin saison la.
— Kosé Ti-Louis, to en forme sa veut dire. Hein… dévide to tante ene fois, pas trop tardé. To koné aster ban Lucky Luke, ena ene tas dans Champ de Mars. Zot tellement rapide qui zot tir deux fois plus vite qui zot l’ombrage.
— Assez avec to ban zistoir-là. Sa même to gagne problem sa. To pas fine assez gagné?
— Ti-Louis qui zistoir? To pas ti la dimanche toi, to fine témoin ki fine passé dans le cercle avant la 8e?
— Ki fine arrivé labas? Dévide to tante toi osi.
— Bruce Lee ti pé rode mange le Pape cru cru mo dire toi. Dire li ferme so…[…]. To koné toi ki mo pé oulé dire mo pé fransiz dialogue-là un peu.
— Pas facile, la fin saison chaud chaud net, mo espérer qui difé pas pou prend. Hé mais dire moi ki sanla sa le Pape là??
— Allo quoi? To appel Ti-Louis et to pas koné ki sanla le Pape? To pas koné ki sanla qui trouve tout normal et qui dire perna problème dans temple? To pas koné ki sanla dire Shérif gagne droit alle dans tout fête ki ena dans Maurice y compris manger boire avec ban bookmakers, jockeys et propriétaires souval? To pas koné ki sanla ki rode ene journée en plus pour «son ami»? To pas koné…
— Ok mo fine comprendre… mis sous cet angle mo comprend osi ki fer certains pé dire Habemus papam. Mais dire moi ene lot zafer là. Samedi kan mo pou dessann, mo pou bizin fer li ene baise main?
— Ayo papa, mo pas trop koné. Ti-Louis mo conseil toi lave to la bouche bien, car zot pé dire ki nom ki li fine prend c’est Innocent IV.

- Publicité -
EN CONTINU

l'édition du jour

- Publicité -