Sans oeillères ni coton…

Zot finn déplume le coq français
— Éta Ti-Louis, ki position mon ami ? Manière mo pé trouvé mo croire to dal pa pou kwi la…
— Manière mo trouvé, twa ousi to éna to boul kristal ek an plis to trouv mo lavénir tou. Mo croire mo bien bizin présente twa mo belmer.
— Ti-Louis, to pé rod avoy belmer-la manzé, parey kouma Kojak finn déplume le coq français.
— Hé, vrémem do, pa fasil ar Kojak, li san pitié sa boug-la. Sa mo croire so lékip Brésil, li pé tir vanzans 98 sa.
— To croire sa toi ? Mé tann dir l’ordre vient de très haut et pas d’une seule personne. Mo tann dir Victoria House finn débordé ek call téléfonn lindi.
— Hein ? Dapré lord mo croire le coq français la finn déplim enn bann dimounn inportan sa. Samem li pé gayn sa kalité problem-la.
— Pa fasil sa Ti-Louis, bez li enn prémyé kou, apré enn 2e ek la ankor enn 3e kou. Nou apel sa une triple peine. Mo croire dan listwar zamé pa finn trouvé sa.
— Mo bien croire ki Kojak so bonbon baton népli dou mé salé ek so tension pé vinn for. Manière mo pé trouvé la, Shérif mem pou koumans gayn per pou pran sanction.
— Ti-Louis, abé si sa kontinyé, mo croire ki biento, non selman pa pou éna souval pou mett dan lékours, mé pa pou éna zoké pou monté.
— Pou vinn Moris à la nage ousi zot pou réfizé, to pou trouvé.

- Publicité -
EN CONTINU

l'édition du jour

- Publicité -