Sans oeillères ni coton…

Li rébondi lors Oursin
—Éta Ti-Louis, ki position brozer ? Ki to pou dire moi la, to fi ne tape dans miraille encore ?
—Hey selment ar toi ki éna. Kouma éna bazar to bizin dire qui mo zafer bon. To zalou la bien fort sa ?
—Ti-Louis, mo pas zalou moi, mo zis koné qui to touzour dans les good books, sa mem mo dire qui to konn surfe sur la bonne vague. Six lors huit, zot tous la haut Rs 1000. Toi ki koné selment. Mais Ti-Louis, mo ti croire nettoyaz pou trouvé kouma zafer commencé, mais mo pose moi quand même question sur certaines victoires kouma Cash Lord ou Desert Ozz.
—Ki to pé raconté ? Mo rédire toi arrête croire dans Bolom Noël. To envi trouve nettoyaz ? To bizin guette du côté de Seven Rupees Boys.
—Ki fi ne arrivé la ? Mo ti tann enn son qui dire zot pé vine avec zot bazooka. Ki fi ne arrive ?
—Nettoyaz, le Taureau a pris peur et li fi nn largue zot enn plan. Pour le coup zot fi nn perdi zot bazooka avant même qui zot décollé.
—Hein sa mem pas pé tann Ti-Commis ditout. Li fi nn alle kasyet mo croire. —Mo pas trop croire, tann dire li pé rod rébondi, mais sa fois la mo croire li fi ne allé tape lors Oursin.
—Mo chagrin li, mauvais pilé li pour gagné la.
—Tension, zot la peau crocodile sa, même le dernier des Mohican doit rester sur ses gardes.