(Matsya – fish (Paleozoic era); Kurma – amphibious tortoise (Mesozoic era); Varaha – boar (Cenozoic era); Narasimha – man-lion, the last animal and semi-human avatar (Cenozoic era); Vamana – growing dwarf and first step towards the human form; Parasurama – a hero, but imperfect human form; Rama – another hero, physically perfect, befriends a speaking vanara deity Hanuman; Krishna – son of Devaki; Buddha – the founder of Buddhism; Kalki – yet to happen and the savior, and is like Christian Advent.) – https://en.wikipedia.org/wiki/Dashavatara.
Plis ki trwa mil an desela
Bann rishi Endien ti gagn entwision
Diferan letap kreasion.
Lavi ti koumans dan lamer
Dousma-dousma ti vinn peple later
E evolision ti fer nou.
Kreasion amenn destriksion;
Lerla destriksion amenn kreasion
Ki repran sime destriksion.
Rishi Endien koz kali youg;
Siyantis modern anons ‘The Big Crunch’
Ki pou donn nesans nouvo youg.
Pa kwar li blasfem ler mo dir
Ki avan Kalki, ena Zezikri
Ki finn prepar nou pou lafen.
Bizen ki ansam nou ouver lespri
Pou prepar sime ver nouvo desten.
Lafen enn pou amenn nesans enn lot.
…
SONET
ANT PARET
EK ‘ET’
Dan gran paradi marsandiz toufet
Tou seki paret samem mahafwet.
Si ou pa rant priz dan ou moul parfet
Savedir, monwar, ou net bisiklet.
Napa kas latet si lasiet dan det;
Seki plis roket se seki paret:
Makiyaz faset, kwafir lor latet,
Tatouaz manset ziska labraget.
Ki mo ete? Ala to bet!
‘Et’ napa vo seki paret.
Seki kasiet res dan twalet,
Seki vizib lerwa dan fet.
Si to’le get veritab tret,
Louk seki ‘et’ vremem kasiet.