Lane 2023, li pa pe zis pe mark 55 an nou Lindepandans; li pe ousi kwinsid ek trisantener enn text ki finn zet baz pou premie form striktirasion sosial ki nou pei finn kone. Enn premie form striktirasion sosial ki prezant enn limaz ki bien lwin ek konsep larkansiel idealize ki nou kontan prezante lor noumem zordi. Me li ti realite lepok kot text-la ti finn redize. Nou pe fer biensir isi referans ek Kod Nwar.
Nou bizin salie demars Legliz Katolik ki finn desid pou propoz enn reflexion, dan kad 188e Laniverser Abolision Lesklavaz, lor linflians ki sa text-la finn ena dan nou pei ek so konsekans dan miz-an-plas organigram bann diferan konpozant kiltirel, relizie ek etno-klas ki finn konpoz nou sosiete atraver so listwar. Demars-la li ankor pli pertinan ek kouraze kan nou kone ki Kod Nwar fer mansion explisit plas ki Legliz Katolik ti okipe, malgre li, dan sa striktirasion sosial orizinel la.
Pou mark sa trisantener-la dan so fason, Anou Koz Parol pe propoz isi enn tradiksion 10 premie lartik Kod Nwar (ena enn sinkantenn ladan) dan sa langaz ki finn pran nesans presizeman dan kontext esklavaz ek par lantremiz sa mem popilasion ki ti prinsipalman vize par text-la. Li enn fason pou permet nou rant dan enn manier intim, avek risk ki li kapav provoke dan nou anterm douler memoriel, dan trip nou listwar tel ki li ti ete dan so koumansman ek fer anmemtan konesans, san okenn konplezans, ek sa kanbar ki finn donn nesans bann zerm ki pli tar finn rant dan nou sou form bann prezize, bann fos-lide lor seki nou ete, ek finn fer nou vinn seki nou ete zordi, dan seki bon ek dan seki pa bon. Li enn lokazion pou nou pou ki nou reflesi avek matirite lor nou mem, 300 an apre Kod Nwar ek 55 an apre nou Lindepandans.
Prof. Arnaud Carpooran, OSK
Code Noir des Isles de France et de Bourbon, 1723
Les directeurs de la Compagnie des Indes nous ayans représenté que l’île Bourbon est considérablement établie par un grand nombre de nos sujets, lesquels se servent d’esclaves nègres pour la culture des terres ; que l’île de France, qui est proche de ladite île de Bourbon, commence aussi à s’établir, et qu’ils sont dans le dessein de faire encore de nouveaux établissements dans les pays circonvoisins, nous avons jugé qu’il était de notre autorité et de notre justice, pour la conservation de ces colonies, d’y établir une loi et des règles certaines pour y maintenir la discipline de l’église catholique, apostolique et romaine, et pour ordonner de ce qui concerne l’état et la qualité des esclaves dans lesdites îles ; et désirant y pourvoir et faire connaître à nos sujets qui y sont habitués et qui s’y habitueront à l’avenir, qu’encore qu’ils habitent des climats infiniment éloignés, nous leur sommes toujours présent par l’étendue de notre puissance et par notre application à les secourir.
A ces causes et autres à ce nous mouvant, de l’avis de notre conseil, et de notre certaine science, pleine de puissance et autorité royale, nous avons dit, statué et ordonné, disons, statuons et ordonnons, voulons et nous plaît ce qui suit :
ARTICLE PREMIER.
Tous les esclaves qui se trouvent dans les Isles Bourbon, de France et autres établissements voisins, seront instruits dans la religion catholique, apostolique et romaine, et baptisés ; ordonnons aux habitants qui achèteront des nègres nouvellement arrivés, de les faire instruire et baptiser dans le temps convenable à peine d’amende arbitraire ; enjoignons aux conseils établis dans lesdites îles, ou directeurs pour ladite compagnie d’y tenir exactement la main.
ART. II. Interdisons tout exercice d’autre religion que de la catholique, apostolique et romaine; voulons que les contrevenants soient punis comme rebelles et désobéissants à nos commandements ; défendons toutes assemblées pour cet effet, lesquelles nous déclarons conventicules, illicites et séditieuses, sujettes à la même peine, qui aura lieu même contre les maîtres qui les permettront ou souffriront à l’égard de leurs esclaves.
ART III. Ne seront préposés aucuns commandeurs à la direction des nègres, qu’ils ne fassent profession de la religion catholique, apostolique et romaine, à peine de confiscations desdits nègres contre les maîtres qui les auront préposés, et de punition arbitraire contre les commandeurs qui auront accepté ladite direction.
ART. IV. Enjoignons à tous nos sujets, de quelque qualité et condition qu’ils soient, d’observer régulièrement les jours de dimanche et de fêtes ; leur défendons de travailler leurs esclaves auxdits jours, depuis l’heure de minuit jusqu’à l’autre minuit, à la culture de la terre et à tous autres ouvrages, à peine d’amende et de punition arbitraire contre les maîtres, et de confiscation des esclaves qui seront surpris par nos officiers.
ART V. Défendons à tous nos sujets blancs, de l’un et de l’autre sexe, de contracter mariage avec les Noirs, à peine de punition et d’amende arbitraire, et à tous curés, prêtes ou missionnaires séculiers ou réguliers, et même aux aumôniers des vaisseaux de les marier ! Défendons aussi à nos dits sujets blancs, même aux Noirs affranchis ou nés libres, de vivre en concubinage avec des esclaves ; voulons que ceux qui auront eu un ou plusieurs enfants d’une pareille conjonction, ensemble les maîtres qui les auront soufferts, soient condamnés chacun en une amende de trois cent livres ; et s’ils sont maîtres de l’esclave avec laquelle ils auront eu lesdits enfants, voulons qu’outre une amende ils soient privés tant de l’esclave que des enfants, et qu’ils soient adjugés à l’hôpital des lieux, sans pouvoir jamais être affranchis ; n’entendons toutefois le présent article avoir lieu lorsque l’homme noir affranchi ou libre, qui n’était pas marié durant son concubinage avec son esclave, épousera dans les formes prescrites par l’église, ladite esclave, qui sera affranchie par ce moyen, et les enfants rendus libres légitimes.
ART. VI. Les solennités prescrites par l’ordonnance de Blois et par la déclaration de 1639, pour les mariages seront observées, tant à l’égard des personnes libres que des esclaves, sans néanmoins que le consentement du père et de la mère de l’esclave y soit nécessaire, mais celui du maître seulement.
ART. VII. Défendons très expressément aux curés de procéder aux mariages d’esclaves, s’ils ne font apparoir du consentement de leurs maîtres ; défendons aussi aux maîtres d’user d’aucune contrainte sur leurs esclaves pour les marier contre leur gré.
ART VIII. Les enfants qui naîtront des mariages entre les esclaves, seront esclaves et appartiendront aux maîtres des femmes esclaves, et non à ceux de leurs maris, si les maris et les femmes ont des maîtres différents.
ART. IX. Voulons que si le mari esclave a épousé une femme libre, les enfants tant mâles que filles suivent la condition de leur mère, et soient libres comme elle, nonobstant la servitude du père ; et que si le père est libre et la mère est esclave, les enfants soient esclaves pareillement.
ART. X. Les maîtres seront tenus de faire enterrer en terre sainte, dans les cimetières destinés à cet effet, leurs esclaves baptisés ; et à l’égard de ceux qui mourront sans avoir reçu le baptême, ils seront enterrés la nuit dans quelque champ voisin du lieu où ils seront décédés.
Kod Nwar pou Ile-de-France ek Bourbon, 2023
(Tradiksion par Prof. Arnaud Carpooran ek Dr Beatrice Antonio-Françoise)
Etan done ki bann direkter Compagnie des Indes finn montre nou ki Lil Bourbon finn extra devlope par enn gran kantite nou bann size, e ki sa bann size-la servi bann esklav-neg pou kiltiv zot later; ki Ile-de-France, ki pros ek Lil Bourbon, pe koumans devlope li ousi dan so kote, e ki zot ena proze pou fer ankor bann nouvo devlopman dan bann pei avwazinan, nou finn estime ki li dan nou prerogativ ek dan nou drwa, dan lobzektif pou asir proteksion sa bann koloni-la, ki nou bizin etablir enn lalwa ek bann regleman ofisiel pou mintenir disiplinn ki finn etabli par Legliz katolik, apostolik ek romin, ek pou met lord dan bann zafer ki konsern kondision bann esklav, ek kalite lavi ki zot pe amene dan sa de zil-la. Dan volonte ki nou ena pou fer provizion pou sa ek pou inform nou bann size ki deza abitie ek sa, ouswa ki pou fini par abitie dan lavenir, ki mem si zot viv dan bann lanvironnman bien lwintin, nou, dan nou kote, nou pou touzour la pou zot, dan porte kot nou pwisans amenn nou, ek dan bann fason kot nou pou aplik nou pou vinn dan zot sekour.
Pou sa bann rezon-la, ek pou lezot ki nou pou konsidere, enn fwa ki nou gagn konsantman nou Konsey, ek anmemtan lor baz nou bann prop konesans, ranforsi par pwisans ek lotorite rwayal, nou finn dir, nou finn statie ek nou finn ordone, ek nou pe redir, statie ek ordone ek dekrete, tou sa bann pwin-la:
LARTIK PREMIE.
Tou esklav ki trouv dan Lil Bourbon, Ile-de-France ek lezot etablisman avwazinan, pou bizin gagn instriksion dan relizion katolik, apostolik ek romin ek pou bizin batize; nou pe ordonn bann abitan ki pou aste bann ‘neg’ ki fek arive, ki bizin donn bann esklav instriksion ek fer zot batize dan letan ki bizin, sankwa zot riske expoz zotmem ek bann lamann arbitrer; nou demann bann Konsey ki finn etabli dan sa bann zil-la, ouswa bann direkter Compagnie des Indes, respekte sa bann lalwa ek regleman la.
LARTIK II. Okenn relizion apart relizion katolik, apostolik ek romin napa gagn drwa pratike; dimounn ki pa respekte sa lalwa-la pou pini ek pou konsidere kouma bann rebel ki pe dezobeir nou bann komannman; pa gagn drwa fer okenn lasanble dan sa lobzektif-la, e si zame ena sa kalite lasanble la, zot pou konsidere kouma ilisit ek rebel, kot pou bizin ena mem kalite pinision. Pinision-la pou aplikab lor bann met ki pou otoriz sa kalite renion la, ouswa ki pou soutir zot bann esklav dan sa demars-la.
LARTIK III. Bann komander ki pa swiv relizion katolik, apostolik ek romin pa pou gagn drwa pran bann ‘neg’ sou zot responsabilite; sankwa pou ena risk ki konfiske bann ‘neg’-la depi zot met, si bann met-la finn plas zot sou responsabilite sa bann komander-la, ek bann komander-la pou expoz zotmem ek bann pinision arbitrer si zot aksepte pran bann ‘neg’ sou zot responsabilite.
LARTIK IV. Tou nou bann size, kanmem ki zot ete ou dan ki kondision zot ete, pou bizin respekte dan enn fason regilie, zour Dimans ek zour fet; zot napa gagn drwa fer zot bann esklav travay sa bann zour-la, depi minwi ziska lot minwi, dan kiltivasion later ouswa dan ninport ki lezot travay, sankwa zot pou expoz zotmem ek bann lamann ek pinision arbitrer, ek pou kapav mem konfiske zot bann esklav si nou bann ofisie trouv zot pe travay. Toutfwa, zot pou kapav avoy zot bann esklav bazar.
LARTIK V. Nou defann tou nou bann size blan, ki li zom ki li fam, marye avek bann Nwar, sou-penn ki zot kapav gagn pinision ek lamann arbitrer; nou defann ousi tou bann kire, bann pret ou misioner sekilie ou regilie, ek mem bann omonie lor bato marye zot! Nou defann ousi nou bann size blan, ek mem bann Nwar ki finn afransi ouswa ki finn ne lib, viv an konkibinaz avek bann esklav; nou rekomande ki bann ki finn gagn enn ou plizier zanfan depi enn inion parey, ansam avek bann met ki finn toler zot, gagn kondanasion pou pey enn lamann trwa-san liv; e si se zotmem ki met sa esklav avek ki zot finn gagn bann zanfan-la, nou oule, an plis sa lamann-la, ki ras esklav-la ek so zanfan depi met-la, e ki met zot dan lopital ki trouv dan landrwa-la san ki zame zot gagn drwa gagn zot afransisman. Lalwa-la par kont, napa pou aplike dan bann ka kot enn zom nwar ki afransi ouswa ki lib, ki pa ti marye pandan ki li ti an konkibinaz avek so esklav, arive par marye ek fam-esklav-la apre, dapre bann prosedir ek regleman ki preskrir par Legliz. Fam-esklav-la pou afransi par sa mwayin-la, ek so bann zanfan pou vinn lib dan enn fason lezitim.
LARTIK VI. Bann ritiel ki preskrir dan L’ordonnance de Blois ek dan Deklarasion 1639 pou bann maryaz, pou bizin respekte, ki li dan ka bann size lib ouswa bann esklav, san ki bizin gagn konsantman papa ouswa mama esklav-la; par kont, pou bizin gagn konsantman met-la.
LARTIK VII. Okenn pret pa pou gagn drwa selebre okenn maryaz ant bann esklav, si zot pa kapav fourni prev ki zot met finn donn zot konsantman; nou defann ousi bann met servi violans lor zot esklav pou fors zot marye kont zot volonte.
LARTIK VIII. Bann zanfan ki pran nesans dan kad bann maryaz ant esklav, pou konsidere kouma esklav e zot pou vinn propriete met fam-esklav-la, e non pa propriete met mari fam-la, dan ka kot mari ek fam ena bann met diferan.
LARTIK IX. Nou oule ki, si enn mari-esklav finn marye avek enn fam lib, bann zanfan ki pran nesans, ki li garson ouswa tifi, swiv mem kondision ki zot mama e ki zot lib kouma mama-la, malgre lefet ki zot papa li, li esklav; me si se papa-la ki lib ek mama-la ki esklav, bann zanfan-la pou vinn esklav parey.
LARTIK X. Kan bann esklav batize mor, bann met pou oblize fer zot lanterman dan later-sint, setadir, dan bann simitier ki finn prepoze pou sa. Dan ka bann esklav ki pou trouv lamor san ki zot finn batize, lanterman pou fer lanwit dan ninport ki karo ki trouv pre kot esklav-la finn mor