— Allo Mawsi, longtemps na pa tann ou. Kot ou ti été ?
— I was visiting some parents and friends. Zot ress en dehors London.
— Ou finn prend enn ti vacances alors ?
— Sort of, if you call holidays visiting old people ki pé perdi memoire ek ki raconte toi mem zafer kuma enn disc rayé.
— Faudra pas ou koz kumsa Mawsi. Ena boucou dimounn kumsa aster. Dimé ou aussi ou kapav retrouv ou dan sa sitiation la.
— Eta ! Don’t put your la bouche cabri on me, I tell you la hein ! Anou sanz kozé. Li parait ki éna difé dan lanka gouvernement. Ki finn arrivé kumsa ?
— Ki mo kapav dire ou Mawsi ! Tout ti pé all bien et enn sel cout, tout finn vire enba la haut.
— Ton Paulo pé menass kit gouvernement ? Don’t tell me he is doing the same game again !
— Non Mawsi, pou enn fois li bien trankil.
— So what is the problem ? Pas dire moi ki Navin pe rékomens vinn arogant, pareil kuma li ti été avant 2014.
— Non, Mawsi. Li aussi li bien trankil, a part deux trois nominations par ci par la !
— I don’t understand : Si Ton Paulo ek Navin korek, ki senla pe fann dhal dans sa gouvernement la ?
— Zot tou, Mawsi.
— Zot tou ? Kisenla sa ? He is a new member of the governement ? Dans ki parti li été ?
— Ou finn mal konprand moi, Mawsi…
—… If I did’t understand that means ki to na pa kon expliké, foutour va !
— Ou trouvé kuma ou été Mawsi… Mo ti pé dire ki sé gouvernement li mem ki finn fané pou faire tout dimoun en colère.
— Sorry Beti : pliss to ekpliké et pliss I still don’t understand. Ki gouvernement finn fer kumsa pou faire dimoun amerdé ?
— Li finn faire l’âge pou touss pension vieillesse vinn 65 ans au lieu 60 ans.
— What ! Mo na pa sire ki mo finn bien konpran. Please say it again, Beti.
— Dans budget, gouvernment finn recul l’âge pension vieillesse. Aster la faudré ou éna 65 ans pou ou gayn sa pension la.
— This was announced in the budget ? Pas ti diskité, expliké kifer bizin fer sa avant budget ?
— Non, Mawsi. C’est aster la ki ban minisss et Navin, li mem, pe expliké kifer zot finn pran sa décision la.
— As usual in Mauritius, c’est apré la mort ki donn la tisane ! Zot pa koné ki si enn zafer ki faudré pas touché dans Maurice : c’est la religion ek pension vié dimoun ?
— Zot pé expliké ki situation finn vinn intenable. Ki népli pou éna kass pou pay pension.
— Let le laugh enn kout do ! Pas Navin ki, avant élection, ti dir ki li pou donn plis largent lor pension ki Pravin ! Ki si Pravind avoy bann troisième âge promené Rodrigues, li li pou avoy zot al promené La Réunion !
— Ou éna raison, Mawsi, li finn dir sa. Mais li pé dire aster la ki pas ti koné ki Pravind ti finn fini défons la caisse.
— Ki li ti koné alors ! ? By the way, what is Pravind doing ? Ti Crétin enkor dans karo kann la défaite, kuma so papa ti dir ?
— Non Mawsi. Dépi sa zafer pension la, li finn komens faire konférens de presse pou dénons Navin ek so gouvernement. Padayachy li aussi finn condam sa mesure la.
— Of course : it’s normal, Beti.
— Ki sa vé dire Mawsi. Ki ou trouv normal la dans ou ?
— Be li normal ki Ti Cretin ek Savat Dodo komens faire tapaz aster la. They should thank Navin’s governement.
— Sa coup la mo népli konpran nanrien, Mawsi. Kifer Douk ek Pada bizin dire mersi Navin so gouvernement ?
— For on reason, Dear. Parski avec zot augmentation l’âge pou tous pension, zot finn donn Ti Crétin ek so MSM enn coup sérum pou zot sorti dépi karo kann !
— Ou éna raison Mawsi. Si pa ti éna sa zafer l’âge pension la, MSM ti pou enkor pé casiet apres 60 zéro la !
— Sa mesure la finn résisit zot ! Tell me one thing Beti : Zis MSM ki pé faire tapaz lors sa kestion pension la ?
— Non Mawsi. Ena buku dimoun en colère : faudrait ou guette sa kantité commentaire lor social media. Mais en plus tout bann parti l’opposition ki finn disparait dans election, finn komens lev la tet et zot pé organise bann manifestation.
— It’s normal. Zot aussi zot finn gayn zot doz serum avec sa zafer pension la !
— Ou éna raison, Mawsi. Zot ti finn fonn apré élection. Dépi sa zafer pension la, zot lor tout radio ek social media.
— Tell me another thing. Ki parti Subron, Rezistans ek Alternativ, qui ti sipposé réprésente bann travayer dans gouvernement, dire lor sa kestion augmentation pension la ?
— Li dire, pareil kuma gouvernement, ki la caisse finn défonsé et ki obligé pran sa mesure la. Dépi sa bann syndicalis finn arrêt appel Subron kamarad.
— Really ? Ki manier zot appel Subron aster la ?
— Zot fer foutan ar li : dan bann programme radio zot appel li l’honorable !
— By jove ! All I can tell you is that pena deux pays kuma Maurice dans le monde entier.
— Kifer ou dire ça Mawsi ?
— Zis dans Maurice kapav éna enn lalians ki bat enn gouvernement par 60/0, zet li dan karo kann et huit mois apré donne li sérum pou li résucité ! This shall be printed in the Guiness Book of Records !
J.-C.A.
