Dan pei kot dronn kouma zwazo
- Publicité -
Bebet politik menas nou dilo
Pe plant lafreyer lor later
- Publicité -
Zenerasion fitir an maler
- Advertisement -
Lakle pou bann vie renar
Gro bef, vizion marenwar
Pe touf konesans
Pou gard zot balans
Bann lespri malad kontan gout zwisans
Refiz souy labav lezot san pasians
Bann zako kontinie imit akter
Mastik mansonz kouma bann sef-kouyoner
Zom, fam, zanfan zot trip pe sere
Zot destin kouma siklonn pe vire
Douler lezot kabos zot ledo
Lame touzour priye lao
Kan to lespri anbalao
Relir nou bann mo
To pou trouv lavi zom, fam, zanfan
Bann leker inosan
(Urvashi Babajee)
