Ena plis portab ki dimounn
Me plis dimounn insiportab
Plis politisien ki fer klounn
Plis nominasion larme inkapab
Ena plis portab ki zako
Me plis zako ki koz ninport
Sipoze li marke lor tablo
Ki eleksion deryer laport
Ena plis portab ki astrolog
Lavenir ekrir dan boul kristal
Ti roke pe deklar bouldog
Gro mike spesialis travay sal
Ena plis portab ki Morisien
Plis rimer ki linformasion
Dan MBC bann mazisien
Bwar lakle dan infizion
Ena plis portab ki dimounn
Me plis dimounn insiportab
Dan Lil Beton enn ta klounn
Konstrir nou lavenir lor disab
Kata… strof !
- Publicité -
EN CONTINU ↻
- Publicité -