Sans oeillères ni coton…

7 ans de malheur
— Eta Ti-Louis, ki position mo frère? Manière mo pé tendé to zafer ti mari bon weekend dernier.
— Toi avec ton ban causé mofine la to pas pou arrêté avec sa. Ki zafer bon to pé trouvé? To kouma dire sa zistoire ki guette figir pour causé.
— Ti-Louis, ki fine arrivé do? Fine mange rougaille mouche jaune ki sa?
— Capave pas en colère là. Kouma dire mauvais zair fine passé. Malédiction fine trappé. Depuis Chamarel pé dégringolé même. To croire dans ene week-end, sa quantité problème la?
— Ayo Ti-Louis pas causé mo frère. Dépasse malédiction sa. Kouma dire ce ki fine passé kot ban camarade Réunionnais. Mo bien croire zot fine mettre ene panier mauvais sort dans club.
— Sa mo croire li bien vrai sa. Pas capave dans ene seul zournée, jockey fek vine Maurice li bien mais tout suite après tombe malade. Souval en bonne santé pé mort lors la piste. Ban frères zimo pé laguerre divant caméra. Le prince décide dans place ban commissaires. L’historien pé galoup 100m dans la rue Shakespeare. L’écurie pé décide dans place commissaires. Board commissaires des courses bizin dissoudre et kit fois le grand blond pou bizin leve paké aller encore ene fois.
— Pas causé Ti-Louis. Lor la sa zafer Falco pas facile sa. Perna l’enquête commissaire ni lecourse ni administratif. Li leve so paké li aller sans la moindre inquiétude. A kote GRA à kote Police des Jeux vous zot?
— Pas blié mon frère dans Maurice c’est pas coupable ki dans prison, mais ban ki fine dénonce voler.
— Ti-Louis to croire à cause sa même sa zafer fine tasse lors la gare pas fine aller plis loin?
— To fer moi riyé toi. To pé trouve ena ene zafer ki alle loin dans Champ de Mars? Depuis longtemps pé aller koumsa là.
— Ti-Louis, appel sa 7 ans de malheur.

- Publicité -
EN CONTINU

l'édition du jour

- Publicité -