Ki to éna dans la manche ?
— Éta Ti-Louis, ki position brother ? Pas finn trouve toi la semaine dernière lor base, ki finn arrive toi, tonn passe ?
— Tout sa malin to malin la to pas konn sa dialogue « un peu de repos pour les braves ». Samem monn fer la semaine dernière, appel sa aussi réculer pour mieux sauter.
— Ti-Louis, mo trouvé ki pli to pé vinn vyé, pli to pé vinn kiltivé. To pé cite moi bann gran-gran phrase. Mais dire moi, to finn suive sa bann zoli lécouse ki nous pé gagné la ?
— Si to pé dire zoli lécourse, mo laisse toi avec to l’opinion. Par contre moi séki mo pé suivre c’est sa nouveau promotion ki éna la : Buy Eight you get Seven.
— Ayo pas causé, plus ça change plus ça empire.
— Hein, mo constaté ki to aussi to cite gran-gran phrase. Mo croire to zalou péna limite, to pas kapav trouve to camarade fer enn zafer.
— Ti-Louis, mo bizin suive l’exemple.
— Mo espéré ki to pas suive l’exemple ki pas bizin.
— Hein, ki finn arrivé là ? Kozé !
— Ki pou kozé ? To pas ti la semaine dernière, to pas ti trouvé ? To kouma sa monument dans triangle la, to dire to pas guet figir, mais mo trouvé qui to guet figir bien avant kozé.
— Ti-Louis, kifer to « hungry » koum sa. To croire mo pas trouvé ? Zot dire li pas la, mais au final li bien la. Sa kou-la pas les ficelles ki li pé tiré, mais la corde la même.
— Mo content qui to pas aveugle. Toi aussi to pé trouvé ki c’est plus que la grande distribution ça. Mo bann zournalis ki dire ki to éna dans la manche, sannla li dire mo éna cravache dans la manche.
— Ti-Louis, d’après lord mo tann dire li éna trois. Deux Kangourou et enn bouteille divin. Il fait ce qu’il veut. Loin des yeux, mais près du coeur, mais faites attention, l’homme invisible est toujours présent !
— Sugar Daddy avec so lékip pas trouvé sa ?
— Sugar Daddy to pé dire là ou Sleeping Daddy ?