Figir ousi zot pas konn guété
— Éta Ti-Louis, ki position my friend ? Ki pé dire, tout bon la ?
— Bon ? Ki bon ? To trouve éna kitsoz qui bon dans sa pays-la ?
— Ti-Louis, ki to pé trouvé pas bon encore ? To pas kontan bannla finn coupe la chaîne to bourzois ?
— Ayo, pas cause sa ar moi. So la chaîne coupé, mais nous pé attache encore plus la chaîne ar nous.
— Ki arrivé Ti-Louis, mo trouve to l’état d’esprit dans bez. Mo ti croire to ti dans sa carrosse dernier course la moi.
— To trouvé déjà mo l’esprit pas en place, to pé enterre moi encore plus même. Après to dire qui to enn camarade ar moi. Mo dire toi plito fer confiance enn serpent.
— Ti-Louis, don’t be angry ! Ce ne sont pas tes amis.
— Ki mo fine fatigué dire toi, dans Champ de Mars personne amis, éna zis Money. To pas trouvé malgré séki pé dire Paul Tauro toujours en forme.
— Hein ? Selon toi éna so lamé ladans ?
— Question bête sa mo camarade. Depuis premier jour pé allé koumsa. Zis commissaire qui pas trouve naryé à dire, ni à faire.
— Pas causé. Sherif bizin atann 10e journée pou trouvé ki rôle Bolom Noël pas bon.
— Sa mo frère, zot guet figir avant azir.
Si au moins zot ti konn guet figir ousi. Dans sa bann l’exercice-la ousi éna erreur…
— Ki to oulé, le Terrien zamé li là. Décision pé prend sans ki zot koné, mo pé dimann moi si éna même enn pilot dans sa l’avion.
— Pilot, ki pilot to pé rodé, steward péna.