Sans oeillères ni coton…

The King tipster
— Ki position Ti-Louis, ki to pensé lors sa ban zistoir autour The King?
— Ayo pas cause sa ar moi mo la tête fini commence fermal.
— Koumsa Ti-Louis. ? Ar sa dialogue to fine largue avec moi la semaine dernière-là, mo ti fini croire qui to zoué dans la cour des grands.
 — Mo trouvé to pas encore koné ki sa veut dire copy-paste. Enfin, mo pardonne to ignorance. Kouma nous dire, on apprend à tout âge.
— Là to trouvé, to finn gagne moi dans coin ring, to tapé mem. Heureusement ki toi ousi to intellectuellement limité, sinon mo croire la terre to pas ti pou tousé.
— Kozé même toi…
— En tout cas Ti-Louis, mo capave pas koné ki sa veut dire copy-paste, mais mo koné kouma zoué enn souval gagnant.
— Toi…toi to finn zoué souval gagnant ? OM…Gosh, c’est le monde en l’envers !
— Ki sa gauche to pé kozé la ? Kan mo koz King ar toi to la tête fermal. To konn zis King qui fer difé Rambo et Big Curry lévé dans parlement. To pas konn sa King, The King tipster. Sa to pas to koné sa, hein ?!
— Ki, kouma koz li dans parlement so l’ombraz apparaître ki sa ?
— Pas bizin enn l’ombraz sa, finn éna bann signal qui dire back The Tipster.
— Hein, sa même so prix finn flambé koumsa. Bé la ki to pou dire, mo bizin grimpe Montagne Signaux pou mo trouve sa ban signal-la ?
— Guété to même Ti-Louis, toi ki boss !