Rien à déclarer
— Eta Ti-Louis ki position, mo trouvé la forme bat son plein mon cher ami.
— To ti pé envi trouve moi lors enn lili l’hôpital kouma dire.
— Mais non Ti-Louis mo trouve toi un peu zoli garçon zordi, sa mem mo dire toi la vie est belle.
— Mo fine fatigué dire toi arret guet zozo par so plume. Arrête croire dans seki to croire et croire dans séki to pas croire.
— Ti-Louis, papa. Kot to fine alle cherche sa dialogue là ? Lor tombe dans cimetière St-Jean. Eh tout cas Ti-Louis mo bien content mo trouve toi, parce que certaines dimoun dans sa zafer népli trouve zot, ni tan zot aussi.
— To pas conne sa dialogue la: tout voir, tout entendre et ne rien dire.
— Trouble lors trouble, difé lors difé, scandale lors scandale li pas montré so figir mem. Ti-Louis, li faire kouma Ponce Pilate: je me lave les mains. Trouble lors trouble, difé lors difé, scandale lors scandale, li pas montré so figir même. Bann Anglais fer rapport, toujours rien a dire.
— Mo koné ki l’ICAC pas guette figir, mais la sa depas lave les mains, mo croire li tellement absent et li tellement lave so la main qui mo bien croire, la main la fine vine transparent
— En tout cas, le malheur des uns fait le bonheur des autres…
— Ki sanla so causé to pé causé la?
— The Executive Man Ti-Louis. L’homme à la voiture du chauffeur. Mo croire dans so la vie, jamais il pas pour autant fois président.
— Mais dire moi enn coup pas ena deux nouveaux. Kot zot? Dans cazot mem?
— Matelos kan en boug dire toi li ena mem l’esprit qui so camarade, ki to capave attand de li.
— Manière mo trouvé là, kouma dire to pé dire moi il est temps pour le grand retour…
— Pas cause sa aster la… prend patience brother. We will cross the bridge when we meet it.