Au pays des saints, le vol est interdit
— Eta Ti-Louis ki position, my good friend?
— Position? Cheating…mem.
— Hein, ki été sans encore. Dépi deux trois jours mo nek pé tand sa qualité causé la. Ki été sa keting, keting.
— Eta Cheating dire sa. Sa mem qui appel cokin, voleur, chor ou si to oulé bez cash dimoune.
— Eh Ti-Louis, to pé badine ar mwa la. Ki Chor, ki voleur zot pé causé. Zot koné zot dans Champ de Mars la. Mo croire sa dimoun qui pé cause sa cause la, li pas trop koné ki li pé dire.
— Ayo pas causer mon ami, to kone batte bis zis dans fet, dans sa zafer qui zot appel l’Assemblée, labas oussi ena batter bis.
— Ki, Ti-Louis, ena manger, boire à gogo la bas. Hein kan zot ventre plein zot pas koné ki zot causé.
— Pas sa ta. Hein to comprend tout de travers toi. To kouma dire enn batter bis toi aussi. Zot batte bis question to pas pé saisi sa…
— Hein li poz mem question qui lé zot posé. Mais ki li fer sa? Ki li gagné ladans…
— Sans doute li croire li gagne place dans zurnal.
— Mais Ti-Louis, kot pou ena Cheating dans Champ de Mars. Zot pas encore koné qui au pays des saints, le vol est interdit…
— He hé, mo croire bizin dire li poz enn question lors la.