Entre ombre et lumière
— Éta Ti-Louis, ki position ? Alors koumsa mo tann dire to pas content dans la limière ?
— Quoi ? Ki sa zafer la limière-la ? Ena enn nouveau souval qui pé galopé samedi-la ? Dans qui lécourse sa ?
— Ti-Louis toi, to konn zist lécourse ek souval.
— Hey, pas vine koz sa ban kalité imbécilité-la ek moi hein. Mo travail dans disik, ki to oulé, mo koz mazavarou ?
— Sorry bayo, mo pas finn oulé offense ou. Mo zis pé dire toi ki Monsieur Terrien pé dire li pas content la limière.
— Bizin sanz so nom, appel li Batman ou si to pas konpran, sauve-souri.
— Ki été, sauve-souri ? Sa kout-la pas zis Big Curry ek Rambo qui li pou bizin fer attention, mais aussi bann chasseur. Matelot, mo pas konpran enn zafer. Mo ena enn kamwad. Kouma li appelé sa boug-la do ? Ouais, Didy le Guitariste dire moi koumsa, si li pas ti envi vine dans la limière, abé kifer li finn vinn président ?
— Ti-Louis, to kamarad Didy finn pose la bonne question. Moi osi mo dimann mo kifer li finn choisir la limière alors qui li content reste dans noir. Mais asterla pas fini…
— Hein, ki finn arrivé, chasseur finn bez li enn coup balle ?
— Non Ti-Louis, ne soit pas violent mon ami !
— Ki violent ? Taler to près pou dire mo dialogue porno tout la. Koz enn fois…
— Tellement li pas content la lumière ki pas là dans samedi.
— Oui, souvent chose-la, kouma li appélé lui ousi ? The Communication Man, dire untel pé fer acteur ou untel pé fer acteur.
— Lot fois… Ti-louis pas acteur dire sa mais acting.
— Mem zafer sa… continuer.
— Oui, zot mett la clé entre les mains de Ti Tékel. Sannla tellement li Piti, lorsque M. L’ambassadeur vini pas remarque li et dire bonjour Monsieur le président ek ki sannla to croire ?
— Celui qui voulait être Calife à la place du Calife.
— Non ta, li dire bonjour M. le Président Pablo.
— Hein, difé major sa. Ki Tékel finn faire ?
— Li finn zapé, mais li finn reste zapé même.