Mo tonton ek so bourik
– Eta Ti-Louis ki position là, ki to pou dire, bon pas bon sa budgé la ? Content pas content?
– Moi, mo kouma Paulo Le Mostachu, je suis très content et très intéressé avec sa budgé la.
– Hé Ti-Louis, pas komance to zafer la. Paulo fine dire budgé intéressant, mais …
– Sa mem ki mo pé dire toi, intéressant et mo intéressé.
– Ti-Louis, aster mo comprend qui mo zafer pour alle bon la. To pou asté souval. To pé profit sa rabais Rs 30 000 la.
– Asté souval ? To la tête bon toi, sa mo laisse sa pou sa ban zokris ki encore croire dans Bolom Noël. Mo pou alle aster Bourik et bardot.
– Ti-Louis, to koné ki to pé dire la. Ki to pou fer avec bourik.
– Eta to pas fine trouvé qui né pli ena taxe lors bourik aster la. Avec sa quatité bourik ki pé galoupé tous les samedis, si mo chance bon mo capave gagne enn deux lécourse. To pas croire sa toi ?
– En fin de compte li pas faux ce qui to pé dire, li vrai qui ban bourik la pé gagné sans explication. Hé hé Ti-Louis, to pou kouma dire danse sa séga mon tonton ek so bourik. Seulement dire moi enn zafer, bourik mo comprend, mais Bardot ki pour alle fer avec sa? To pou fer toi enn loge avec sa ?
– Eta Ti Crétin to pas koné ki enn Bardot, c’est enn hybride…
– Hybride ? Ti-Louis perna lécourse Loto électrique dans Chan de mars…
– Mo bien croire c’est tout de mem sa bourik qui pas pé comprendre rien. Bardot c’est enn souval qui fine croisé avec enn âne.
– Ayo Ti-Louis mo bien croire qui sa ban mesure qui fine prend, nous lécourse pré pour vine enn cirque.