L’Écurie d’Augias
— Eta Ti-Louis ki position? To fine bien silencié depuis ene semaine. Ti en vacances ?
— Vacances ? Mo laisse sa pou lé zot. En ti lagrippe, mais koumto trouvé, très vite mo fine retourne lors base.
— Oui mo pé trouvé, mais pas facile Ti-Louis. Toi to gagne ene ti la grippe, mais mo croire certains fine gagne pneumonie. Capave mort touffé.
— Hein ki fine arrivé? Sa deux jours mo pas là ki sa ban zafer kouma sa pé passé. Kisanla pé mort touffé?
— Ti-Louis to pa suivre l’actualité? Apès Ponzi sa cout-là Varmagate.
— Ki ene nouveau souval qui pé débuté samedi. Ki so rating? Ki so la cote? Pé bien bizin un peu pistache dans poche-là.
— Ki nouveau to pé causé Ti-Louis. Sa, appel sa ene vieux de la veille. Tellement fine gagne l’habitude fer tout ce qui zot envi, zot fine croire qui lécourse sans souval capave arrangé dans Champ de Mars.
— Kouma sa brother?
— Ti-Louis ki to pé croire toi, pas juste lécourse souval ki arrangé dans l’écurie aster la. Zot organise complot osi.
—Complot? Quoi…pour renverse président?
— Mais non Ti-Louis. Sanla li dans ene fauteuil bien callé à la corde et so chaize boulonné avec six boulons plis gros qui to capave gagné dans quincaillerie. Zot faire réunion grand grand manière dans l’écurie pour essaye fer sa piti-là change son casaque pour fer li gagne lécourse avant même ki lécourse-là galoupé. Lors la dire li ki son stake money pou donne li sa dans l’Afrique du Sud. Mais sa fois là au lieu mange bétrave, fine alle mange papier.
— Sa qualité là zot fer. Mais cameras pas fine trouve rien d’étranger avec sa ban mouvement ki fine ena.
— Pas cause caméra avec moi. Sa li trouve juste séki li envi trouvé. Ene jour to pou trouvé pour vine mettre bomb, sa osi, li pas pou trouvé.
—  Sa li vrai sa, avec sa quantité bomb qui ena actuellement tous les samedis. Caméra la li pé vine kouma sa ban soular ki trouve juste ene seul koté lizié. Mais dire moiene coup gagne droit fer sa qualité réunion la dans l’écurie?
— Aster la Ti-Louis pas l’écurie appel sa. Call it l’écurie d’Augais. Ki question to pé posé, to pas trouvé ene silence coupable encore en fois. Chamarel connexion ki to pé croire toi. Mais laisse mo dire toi bien ena un au moins so cheveux pour vine noir là to pou trouvé