Sirop Toussé II
— Éta-Ti-Louis, ki position my good friend ? KI pé arrivé, mo pé trouvé kouma dire éna bel-bel mouvement. Ki sa zafer Rebel’s Game qui pé provoque sa quantité excitation-la ?
— Non, pé bizin conné kisannla finn administré sa produit-la ar souval-la.
— Bé, d’après mo pé tandé, sa marque produit-la pas servi par l’écurie. Zot servi enn lot kalité marque.
— Ki pé dire dans lanket ?
— Éta, mo finn tann enn ta contradictions. Ti moment tib-la ti dans litière, ti moment li ti dans mangeoire. Après sa, sot dire ti donne li dans lamé chef alors ki finn zet li dehors. Pas fini, ti trouve enn lot tib gramatin, mais pas finn dire naryé.
— Finn pass film et to trouve souval la prend tib-la dans so labous dépi son mangeoire.
— Koumadir magicien. Enn sel coute tib sorti dans mangeoire alors ki ti croire ti li dans litière…
— Miracle mo dire toi. Pas conné kouma li finn arrive dans mangeoire.
— Dire moi Ti-Louis, d’après toi ki finn arrivé ?
— Mo bien la peine dire toi. Bizin demande bon Dieu. Entraîneur dire li pas servi sa marque-la, palefrenier dire li pas conné kouma ban tib-la finn vinn dans son box, chef palefrenier contredire limem.
— Ayo, mo népli conné. Mo espéré ki pou enfin trouve le vrai coupable dans sa bann zafer-la…