Sans oeillères ni coton…

L’homme qui murmure à l’oreille…
— Éta Ti-Louis, ki position ? Mo trouve toi inpé fatigué. Finn trop fêté my friend ?
— Ki fêté ta ? Ki to pé kozé ? L’heure n’est pas à la fête. Mo finn guet inpé sa zafer ki zot dire série préférée des Mauriciens lors télévision hier soir.
— Ayo Ti-Louis, ki mo pou dire toi. Mo espéré to finn bien manz pistas.
— Manz pistas ? Ki pistas pou manzé, finn gagne indigestion, oui.
— Ti-Louis, Ti-Louis, mo espéré to finn prend to dose Spasfon. Sinon éna problème ladans.
— Problème pas kozé, dépi commencement ziska la fin. Mais dire moi enn coup, dans sa série préféré bann Mauriciens, mo pé écouté mem mais enn zafer mo pas konpran selman.
— Kozé mo guété si mo kapav délivré toi.
— Tout sa bann ki finn kozé la, y compris Pinocchio, zot tou dire zot pas spécialiste, zot pas dans betting, zot pas konn bookmaker, zamé zot finn fer enn pari. Mais sa kantité kozé ki zot finn kozé lors lécourse pas facile.
— Ti-Louis, to pas konn sa film-la ? L’homme qui murmurait à l’oreille des chevaux.
— Ki to pé dire moi, finn éna Robert Redford qui finn koz ar zot ? Mais dire moi enn coup, ki sa Robert Redford qui finn murmure dans zoreil Ponocchio la ?
— Hé Ti-Louis, pas koz sa trop fort, éna malheur ladans. Taler « Litchee Cop » vinn ramasse toi la.
— Ki to pé cozé avec sanla toi. Paul Toro pas fine menace Pinocchio lors radio, to finn trouve Litchee Cop bouge son petit doigt ? Alors pas koz kozé ki pas bizin.
— Ti-Louis, mo zis pé prévenir toi. Si zot met dans Melrose Place, to kapav alle zwenn avec Big Curry ek so bann relation laba, top net sa.
— En tout cas, moi, séki mo kapav dire sa dimounn qui finn murmure dans zoreil Pinocchio la, mo croire bizin donne li enn billet d’avion fer li retourne dans Londres.
— Ki Londres to pé kozé ? Sirman c’est enn lot Pinocchio ki finn koz dans zorey Pinocchio après qui li finn boire un verre de trop.
— En tout cas, mo bien croire que sa va chauffer là.

- Publicité -
EN CONTINU

l'édition du jour

- Publicité -