A kot Docteur vous autre?
— Ti-Louis, ki manière brother. Mari en forme mo trouve toi la…
— Pas trop causé, l’estomac pas trop bon.
— Ki to pas encore fini digère sa briani lors la plage là? Ki  quantité to fine mangé koume sa, pou ki sa encore lors to l’estomac ? To fine prend deck la to amène to la case?
— Mo pé raconte toi mo problème, au lieu to trouve ene solution to coule moi plis. To kouma dire sa ban docteur ki toujours vine après l’heure.
— Ayo Ti-Louis. Ki to pé cause docteur avec moi! Ena docteur to pas trouve li même.
— Ki sa ban docteur to pé consulté… ene charlatan sa.
— Eta Ti-Louis pas cause koume sa, taler zot fer toi vine vin personna non gratta dans Champ de Mars.
— Ki sa qualité docteur ki ena ban pouvoir aussi grand kouma sa?
— The one and only. He his the boss. Li même ti pou remettre Coupe. Communiqué fini tiré. Roseanne fini dresse la table avec so ruban bleu. Pas fini Ti-Louis, garde du corps tout fine visité pour koné si boss-la pou en sécurité. Pas fine tan dire osi ki Sheriff ti rentre enbas la table tout avec gros disel pour fer l’appel…
— Hein, kouma dire Anne ma soeur Anne ne vois-tu rien venir…
— Ti-Louis, non seulement pas fine trouve Anne, so la poussière osi pas fine trouvé.
— Mais kot boss ti été? To rappel ka li ti vini l’année dernière li ti dire li bizin vine plis souvent
— Mystère et boule de gomme. Mais Ti-Louis ena pé dire ki li ti dans ene l’anniversaire …20 ans.
— Ki sanlà fine remettre coupe alors?
— Ti-Louis ça c’est une autre histoire. Mo a raconte toi sa plus tard.