Fête famille
— Eta… Ti-Louis, to ene petit cachottier mem toi. Alors to ene boug ki kone amisé. Sa quantité fête la to aller?
— Ayo papa, ki to fine alle koné là. Mo fine dire toi arret veille zafer dimoun. Un bien vilain défaut, tu ne sais pas.
— Hein moi ki ena défaut. Toi to alle amizé avec le Shérif et ses amis, sa normal sa?
— Juste ene ti l’anniversaire sa. Ki problème ena ladans.
— Ene ti l’anniversaire Ti-Louis !! Dire moi, to faire 7 fois to l’anniversaire en 4 mois toi…?
— To pé rode li poux poule la. Ene fois ti l’anniversaire, ban lézot fois ti entre amis. On se connaît depuis l’enfance.
— Ti-Louis mo trouvé ki to fine alle à la bonne école. To pé vine kouma dire Commander in Chef kan li ti fer fête dans Chamarel: no case to answer. Mais dire moi ene coup Ti-Louis to pas fine cause lé courses ditout dans sa 7 programmes la?
— Je te jure… Pas fine ena un mot. Nous fine juste cose cozé sur les filles.
— Ti-Louis to kone sa causé ki dire diable réfuse camphre ou sa lot causé ki dire met lichien veille saucisse. To croire mo fek né moi…
— Mo dire toi, nous ti entre famille. Ban ti fête familial sa.
— Fête famille avec propriétaires, jockeys et shérif ?
— Ben écoute mon ami, depuis Chamarel to pas koné ki tou sa ban zafer la est permis.
— Mo ti pé douté sa. Aster là Shérif mem ti dans fête,  b ki san là pour fer l’enquête. Pauvre tichalin, li fine bien perdi sa garçon la, li pas fine alle l’anniversaire 50 ans.