Sans oeillères ni coton…

1000m
— Eta Ti-Louis, ki position? Ki pé arrivé encore dans sa Champ de Mars-là. Kouma dire la case mama.
— Eta to couma dire sa Schtroumpf Grognon-là. Tout zafer pas bon avec toi.
— Ti-Louis mo trouve toi couma dire pé changé. Bann-là fi ne réussi converti toi. Dans qui Clergé to été, Cardinal ou Sacristain? — Koumsa to causé aster. Ki to pé croire sa qualité la mo ene bouge facile?
— Ti-Louis ene ti coup Shérif Marsall, ene ti-coup Starspangledbanner ou ene lot ti coup Istiqraar to pas converti la. Kouma Pape Innocent IV dire tout correck. Même si la case pé prend difé.
— Ar toi ki ena dialogue seulement. Mais laisse mo dire toi dans sa ban ti-coup ki to pé causé mo pas ti ladans moi.
— Sensé Ti-Louis, toi ki ene gros malin. Sa week-end la osi to pou tape plein la. Manière mo trouvé zafer fi ne bien préparer.
— Hein kotok sa. Donne moi tiyo la.
— Assez Ti-Louis kouma dire to pas koné ki lors 1000m ena deux l’écuries qui bien lotis. Statistic montré ki zot mem ki fi ne gagne majorité sa ban lécourse la. Dans lentrée samedi ena 15 lentrés mais selment deux cheval spécialiste 1000m. Le zot zis pu fer le plein. Alors pas bizin dir toi qui favori pou gagné. Dans lentré dimanche, nou trouve 10 cheval. 4 pour Bruce Lee, deux pour Blue Lord ek deux pour PM. Mais fi nalement, lecourse fi ne annulé parski ti reste ziste quatre partants. Trois Bruce Lee ek ene bleu electrik.
— Toi ki kone tout…dire moi ki fer fi ne mettre deux lécourses 1000m alors que perna même assez cheval pou galoupé. — Pose toi la question brother. Surtout Fort Noble par exemple, vine galopé lors 1000m alors que distance plis courte ki li fi ne essayé dans Maurice c’est 1365m?
— Sa question la bizin pose Shérif. Li même décidé li même jugé et li même fer tout. One man show sa.
— Seulement avec toi ki ena causé hien…to croire ena 1000 books derrière.
— Ayo papa sa qualité causé… moi mo arrête causé.
— Ti-Louis conversion quand tu nous tiens…

- Publicité -
EN CONTINU

l'édition du jour

- Publicité -