Sans oeillères ni coton…

Li croire après le pape, li mem
—  Eta Ti Louis, ki position brother. Kouma to on and off koum sa? Ki pé arrive toi to pé tini tini depuis aster la même?
— Oui, situation pas trop bon, bizin gueté un peu avant lance dans bain. Bizin calculé.
— Hein, situation pas bon…mais …mo  pé tendé qui to fine faire enn triplé dernièrement?
— Oui do ta, ki pou fer. Ki to pé tracassé. Le course pas enkor commencé, to fini commencé tracassé tout.
— Non Ti-Louis, you are my good friend. Sa mem mo gagne to tramé.  En tout cas mo trouvé ki to fréquentation bon net.
— Ki pou fer brother. Bizin pas rode la gratelle et suivre dilo dans canal.
—  Fer tension Ti-Louis. Pas agir bouma bourik, guette to la route moi mon petit doigt me dit qui l’Alliance fini cassé et pas pou ena remake.
— Hein, ki pé arrivé. Juste kouma mo zafer pé bon to pé mettre to la bouche mofine la.
— Pas dire toi Ti-Louis to pas koné ki fine arrivé?
— Expliqué toi ki kone tout…
—To pas koné ki Bruce Lee furax contre Père Laval? Li ti croire qui après Le Pape vine li même, li pas koné qui ban zanfant miser kone aussi fer zot coup.
— Ki to pé dire moi qui Père Laval fine bougé sans dire Bruce Lee? To pé prend moi pou enn Zokris. Kot existé ki Père Laval agir tout seul? Perna cimé.
— To enn zokris même. Li dir Père Laval na pas pou go. Mais Kali fine go. Li dire aussi qui pas pou ena assez power to dive, mais power fine dive plus vite qui zot tout.
— Hein aster la mo comprend ki fer Bruce Lee fine dire zot retire so deux nouveaux tauraux cot Père Laval.