Ban muraile pé commence causé
— Eta Ti-Louis ki position? Ki fer to rouge coum sa, to fi ne trouve diable ki sa?
— Ayo papa pas causer. Plis ki diable sa. Mo bien croire qui malédiction-là pé frappe bien mem.
— Mo pé trouve sa moi aussi. Sa pauvre piti la fi ne perdi so la vie dans ban circonstance bien diffi cile. Ti-Louis, zamais la mort fi ne tape la porte ban jockey kouma sa.
— Mais dans sa zafer la, la question qui bizin posé c’est ki sanla fi ne donne l’ordre pour amène sa souval la dans Floréal et ki sanla fi ne dire sa piti entraîne sa souval la? Manière mo pé trouvé pé alle vers ce qui nous appel «une nouvelle affaire, un nouveau scandale» dans Champ de Mars. Le Grand Blond li reste tranquille. Dimoune pé mort li pas fer l’enquête, mais dimoune touche en ti-caméra li retarde lécourse et li fer l’enquête. Trouvé ki so priorité.
— Ki to pé causé toi. Trouvé to pas kone la dernière. Tan dire ki lé Grand Blond ti pé envi dépose enn grosse commission samedi dernier. Ler li rentre dans ti-buro dire ou sa, li sorti gangman style kouma enn fi zet.
— D’après l’ordre li osi fi ne trouve diable sa?
— Diable? Plis ki sa Ti-Louis. Li fi ne gagne enn constipation instantané. Muraile pé cause avec lui mo dire toi.
— Quoi? To pé fer riyé toi.
— Ti-Louis pas koné ki sanla, mais sa dimoune koné ki fi ne fer. Sa ban verset ki fi ne metté lors muraille tap en plein dans le mile.
— Ayo, OMG aster la pé commence ena Moïse dans Champ de Mars.
— Mais Ti-Louis pas encore koné si pou ena l’enquête.