Sans oeillères ni coton…

Ene lécourse 100m !
— Eta Ti-Louis ki position? Ki sa ban sourire to pé fer toi?
— Bizin fer sourire même to pas koné ki riyé fer toi vivre plus longtemps.
— Là to pé racontre moi ene zistoire la Ti-Louis. Toi ki contant boudé, mo bien croire to fi ne trouve ene mari zafer sa ki pé fer toi riyé kouma sa.
— Mo pose toi ene ti question: combien lé course ti ena samedi?
— Hé bien…8…ki fer?
— Mauvaise réponse brother. Savé dire to pas fi ne guette sa 9e course la.
— 9e course, Ti-Louis to pé fer riyer même mo croire.
— Eta… to pas fi ne guette sa lécourse qui fi ne galoupé lors 100m?
— Ayo ki été sa encore?
— To fi ne rate to la journée, ena fi ne bizin fer ene lécourse dépi l’entrée paddock jusqu’à la rue Shakespeare sa. Mo dire toi from start to fi nish.
— Ki, li fi ne trouve diable.
— Plis ki diable, li fi ne trouve King Dragon. Hein, hein, sa zafer la to pas koné toi?
— Non, Ti-Louis. Dévide to tante…
— Ena ki ti donne parole mais zistoire fi ne mal tourné, kouma sa ban mayonaise ki pas monté la. Alors les mécontents fi ne crache difé par néné. C’était alors le sauve qui peut. Ti capave croire Buckland pe galoupe 100m dans Jeux Olympiques Athènes.
— Ki faire !
— Li ti donne parole. Fine joué pou li. Mais so souval ine gagné.
— Ayo Papa ! Li pou paye sa bien cher. Même Ste Croix pa pou capave sappe li.