Sans oeillères ni coton…

Attention chien méchant !
– Eta Ti-Louis, ki manière mo frère ? Mo bien content mo pé retrouve toi encore. Alors, en forme pas en forme pour sa nouveau saison-là ?
– En forme à 200%. Sa l’année-là mo éna bel l’espoir. Nouveau Le Pape pé dire qui tou zafer pou propre, donc mo bien croire qui mo capave fer enn ti cash sa l’année-là.
– Ha ha Ti-Louis, to fer moi riyé même toi. Kouma nou dire dans calendrier, juste date qui changé. Bann mois-là reste pareil…
-Hein pas commencé avec toi ! Toi … ki bon leçon to pé rode donné ? To pé envie gagne mordé ar lichien ?
– Ayo pas causé Ti-Louis, bann lichien fi nn vinn bien violent. Sa trois Rottweiler-là pas fi nn juste mordé, zot fi nn déchiqueter tou séki zot fi ne trouvé lot zot passage. Mari blessé fi nn éna ladan.
– Pas causé ti frère, manière mo pé trouvé, pou bizin scrap from bottom et remettre zafer en ordre pou capave fer nou lécourse marché.
– Ti-Louis, mo bien croire qui nouveau Le Pape et so bann Cardinaux bizin lève paké allé au plus vite.
– To croire sa toi… mo tann dire pé rode conseils avec bann conseiller légal pour contester.
– Ti-Louis, nouveau saison pé commencé, arrête sa bann vilain manière-la, taler dans l’autre l’enquête là toi aussi to gagne mordé. Attention chien méchant… bien méchant mem sa. Zot pou alle prend kas Club encore pour aller dépenser avec bann avocats.
– Seulement ti frère, nouveau Le Pape un ti peu plus… bon.
– Ti-Louis… pas blié, nouveau Le Pape sorti dans vente ancien Le Pape sa. Blanc bonnet, bonnet blanc.

- Publicité -
EN CONTINU

l'édition du jour

- Publicité -