L’effet Kojak
— Éta Ti-Louis, ki position ? Ki latest lors baz ?
— Ayo mo frère, pas kozé. Tellement éna latest pas koné ar ki pou commencé.
— Abé commence avec le latest des latest.
— Mr Beautiful et sa cour pé alle guet Kojak mo tann dire.
— Kojak ? Kisannla sa encore Ti-Louis ?
— Enn ti Rottweiler ki pé commence tire so lédan.
— Yes Ti-Louis, mon tann dire sa coup li finn morde Mr Beautiful et Miguel Indurain zot sévé bouzé lors zot la tête.
— D’après séki mo pé trouvé, ki Kojak pé rode fer ? Fini lékours. Kot li finn alle tir sa bann directives-là ? So lédan li pas encore fité, kouma li pé rode manz lézot ? Li pas per so fosdan kasé ?
— Ti-Louis, mo croire ki kan fer enn pas divan zot fer quatre pas derrière. Longtemps Ti-Zan ti content dire ki kan tann Maurice, zoké kapav nazé pou vini. Asterla kan pé tann dire Maurice, zoké déclare l’homme invisible.
— Éta hé, mem bann maryaz pas pé aranz zot zafer.
— Ki mo pou dire twa, zot tou pé vinn bann Guignols. To finn tann sa latest-là ? Le Fayot et Michel Le Blanc kan ti fer rénion avec le méchant voisin, zot ti koumadir zako dans la mizik.
— En tout cas, éna trop boukou zako asterla dans sa zistoire lékours-là. Prêt pou aret fer lékours souval to pou trouvé.