Sans oeillères ni coton…

Li fer vilain divan Madame
— Éta Ti-Louis, ki position ? Alor ki pé dir mon ami ? Mo trouvé ki zafer pas pé bon. Ki pé arrivé ?
— Éna panik-panik dan baz.
— Ki sa bann dialogue ki to pé largé-la ? To pas croire ki to koz bann zafer ki to pas koné ?
— Kozé Ti-Louis, to pé suiv bannla mo trouvé. To pé vinn un p’tit peu arrogant toi aussi. To konn sa dicton ki dir fréquente lisien gagne pis ? Mo croire samem pé arrive twa.
— Selma ar twa zamé mo pou gagne enn tigit raison.
— Ti-Louis my good friend, mo konpran twa selma, parfois sa ti kriz l’autorité pran. To pé vinn kouma Mr Beautyful, tu te laisses emporter par tes émotions ou ton taux d’alcoolémie.
— Hein, to trouvé la ? To récommencer. Twa zamé to finn mett dé dan enn twa ?
— Ti-Louis, tu me connais, mo pas mélanz l’alcool ek souval. Éna problème ladan.
— Oui c’est vrai, kapav fer vilain divan dimounn.
— Ti-Louis, finn fer vilain divan bann ti madame en plus. Déza sévé péna lor latet mo tann dir, so latet ti sakouyé ler sa kriz l’autorité-la finn pran li. Parey kouma zafer parking ek kan li ti koz ar avocat… Ti-Louis, mo tann dir twa ousi to ti dan sa fet-la.
— Hein ? Mwa non ! Mo pa fer vilain mwa. Mo moto c’est « peace and love », zamé laguer.
— Mo kopran parfois li bizin montré ki c’est lui le patron…
— Samem sa, to finn konpran tou.