Zot pa les ble lor lapo,
Me krwar mwa… zot kapav touy douser dan leker.
Enn ti riye dan kwen klas,
Enn ti non ki zot kol lor twa,
Enn fraz “mo ti pe badine sa”…
Me sak badinaz, li koup enn tigit plis ki sa ki zot krwar.
Zot dir:
“Pa pran li serye.”
“Aprann riye ar twa mem.”
Me kisannla krwar larm ki tonbe aswar
Kan lalimier finn tengn,
Ek to pe rod kouraz pou leve ankor gramatin?
Arselman li pa enn zwe.
Li pa enn kitsoz pou fer krwar to cool.
Se enn lager andan ki personn pa krwar,
Enn sourir deor… me enn tanbour pe kase andan.
Zour apre zour,
To koumans krwar se twa ki problem.
To vinn pli trankil,
Pli izole,
Pli lwen ar to prop rev…
Ek dimounn krwar to finn sanze.
Me an realite?
To pe perdi twa tigit tigit.
Alor si to trouv enn dimounn ki nepli parey,
Ki nepli riye kouma avan,
Pa zis gete.
Ofer li to lame.
Dir li enn mo dous.
Asiz akote li.
Ek montre li li pa tousel mo la avek twa.
Parski parfwa…
Enn sel dimounn ki krwar dan twa,
Kapav sov enn leker ki ti pre pou kraze.
Nou tou imin
Nou tou ena kitsoz ki fer santi nou feb.
Alor servi to lavwa pou geri,
Pa pou blese.
Parski wi…
Bann mo kapav tap for.
Me bann mo kapav osi sov enn lavi.
