Kapav to zorey bizin mo lavwa
- Publicité -
Kapav to lekor bizin mo lebra
Kapav to rev bizin mo lafwa
Kas to poz swiv mo respirasion
Kraz sa fos ekout to linspirasion.
To fer mwa krwar nou pasion an konpetision
Manti mo antiz se trouv mwa pe navig San lam
Pe navig San lam.
Mo trouv twa vinn sa fler, enn ki so leker egal a lafors sistem soler.
Mo mont arete me to leker kontigne.
Tousala enn fet, pis ar defet
Boup to linpak sanboul mo kotidien.
To anvi mo gout to lam.
Mo’nn pare pou trouv so laflam.