— Hi Beti… moi ca, it’s Mawsi calling

— Mo bien content tann ou la voix Mawsi. Ki ou nouvelle ?

— Like this, like that… Mais to konné ki to tonton en deuil ?

— Mo napa ti konné, moi. Ki senla finn mort dans famille ?

— British football team finn perdi l’Euro, dépi sa, to uncle en deuil.

— Kumsa uncle finn affecté par sa défaite l’équipe football anglais la ?

— What can I tell you. Kan so propre famille mort li napa chagrin sa kantité la, mo dire toi !

— Si uncle en deuil, savé dire ki li napa pé boire.

— Don’t dream my dear ! Li dire li bizin boire plis pour li kapav bliyé sa défaite la.

— Ayo Mawsi laissé li boire so ti grog…

— Please stop talking non sense. Kan so le foie pou cuit, mo va avoy li kot toi !

— Avec plaisir. Sinon ki le zot nouvelle de ou côté ?

— The other news is covid, the delta one. Azordi éna boucoup plis cas covid ki kan nou confiné !

— Aio Mawsi ici aussi pareille, mo dire ou. Quand nou ti dans confinement napa ti éna autant zones rouges ki zordi !

— What is a red zone. Enn lendroit kot énan zis partisans labour ?

— Ou bien comique, Mawsi ! Non c’est enn l’endroit kot éna boukou cas covid. Enn lendroit kot napa kapav rentré ek sorti bonavini.

— Enan boucou cas covid dans Maurice ? Is it like in UK ?

— Mo napa koné si li pareil, mais sa semaine la finn énan deux fois plis ki cent cas enn sel jour…

—… don’t tell me. Sa bann cas la dans enn seul l’endroit ?

— Non Mawsi, éna cas covid partout dans quatre coins Maurice.

— But why ? Zot pas obligé mett mask, lav lamé, garde distance, tou sa la ?

— Ayo Mawsi, ou konné kouma mauricien été : li pas suiv consigne a cent pour cent.

— Parey kuma avant alors ! ? He says that you have to follow the rules, but he don’t.

— Ou énan raison Mawsi. A koz samem nou finn gayn cluster mariaz.

— Cluster mariaz ? Kiété sa : enn nouveau variant covid ?

— Ou pas au courant sa zafer cluster mariaz la, Mawsi ?

— No one told me about that. Ki sa zafer la ?

— Dans confinement ti kapav fer en mariaz avec dix dimoune en tout.

— Yes I remember that. Pou mortalité aussi ti mem kantité dimoune.

— Sa meme Mawsi. Mais pendant confinement finn énan enn mariaz dans enn quartier Port Louis avec plis ki deux cents invités.

— It is not possible ! Plis ki 200 dimoune kan reglements dire ziss 10 dimoune ! ?

— Oui Mawsi. Plis ki 200 dimounes finn all sa mariaz la.

— More than 200 people, that means a little crowd and lot of cars. La police napa ti au courant sa rassemblement illégal la ?

— Li paraitre ki non, Mawsi.

— That impossible. It was during the lockdown. Ban camera ki énan partout napa finn enregistre sa foule la ?

— Li paraitre ki non, Mawsi. Apres ou koné ki dimoune dire lor sa bann camera la ?

— Non, I don’t know. Ki dimoune pé dire kumsa ?

— Bann la dire ki camera la li kuma L’ICAC : li guette figure pou li enregistré.

— What does that means ? Mo napa konpran : mo kuma enn li chien dans la musique !

— Chaque fois bizin ban zimaz camera pour enn case ou bien li ti en panne ou bien li napa finn enregistré !

— I still don’t understand one thing. Kapav fer enn mariaz avec plis ki 200 invités dans Maurice, dans enn quartier Port Louis pendant confinement sans ki la police conné ?

— Kikfois ti énan deux trois VIP parmi bann invités, sa mem la police finn chup chap. En tout c’est séki deux trois dimounn apé dire.

— Sirement bann dimloune ki napa ti invité, I guess !

— Ou toujours pareil, Mawsi. En tout cas après nouvelle sa mariaz la finn fané partout.

— There one thing I can’t understand in Mauritius : kifer bizin dépense enn tas lamoné pou faire grand marriage ?

— Premier d’abord Mawsi pour Maurice enn mariaz avec 200 invités li napa enn grand mariaz. Apres ou konné kuma sa été. Si ou faire enn ti mariaz bann dimoune ki ou napa finn invité pou koz ou kozé.

— In any case they will talk on you ! Bé ki finn arrivé dans sa mariaz 200 dimoun la. Kifer sa kozé la finn fané partout ?

— Parski enn parti invités finn attrap virus covid. C’est kan finn faire contact tracing ki finn all découvert ki toubann nouveau cas li all dans sa mariaz la. Lerla même finn decrete l’endroit kot ti faire sa mariaz la enn zone rouge.

— Don’t tell me. Tout ça pour enn mariaz. Ki finn faire avec sa bann invités contaminés la ?

— Be fin avoy zott tout dans centre quarantaine, y compris le nouveau marié !

— Oh God ! Mo sire zamé li pou bliyé jour so mariaz !

— Sirtout ki kan li pou sorti dans quarantaine, la police pou poursuiv li, avec ban lezot organisaters mariaz.

— And the guests ? Zot napa finn respecté reglements. Bizin poursuive zot aussi !

— Mo pas kapav dire ou ki pou arrivé avek ban invité. Aster la, la police pé alle dans tout ban mariaz pou alle conté comié invité énan, c’est-à-dire 50 enn tout. Bann empliss met dehors.

— Incredible. Enn sel zafer mo chagin dans tout sa zafer mariaz la…

— Ki zafer, Mawsi ?

— With the police doing his job properly, tout ban frauder mariaz pou oblizé prend zot retraite !

J.C A

Jean-Claude Antoine