Sans oeillères ni coton…

To lapes, zot zet dan lamer
— Ki position Ti-Louis ? Kot to pe allé sa qualité vitesse kouma dire enn Minor ki fine perdi frein ?
— Kot pé allé ? Mo croire bien nous pas kouma enn Minor mais kouma sa camion fou de Rose-Belle la. To rappel déga ki sa ti fer ?
— To koné Ti-Louis, mo pas ti encore né quand sa ti arrivé…
— Tout de suite la to pas ti encore né. Ki to pé rode dire moi ? Mo vyé ?
— Ti-Louis, pas du tout, ne soit pas offusqué, mo koné to enn vieux de la vieille, mais to jeune.
— Mo croire toi ki vinn koumadir sa bann fou qui pé gouverne nous lécourse-la. Non seulement zot népli koné qui zot pé dire, zot népli koné ousi ki zot pou fer.
— Pas causé Ti-Louis, tu… tu… tu as vu sa massacre samedi dernier-la ? Après pou vinn dire « Ayo public pas vinn lécourse ! La caisse vide ». La Tête Pied Nu et Madame Buro avec zot bann directives-la, Champ de Mars pré pou envolé kouma Premier ministre habitié dire.
— Si envolé kapave dire un peu bon. Ti-Louis, manière pé allé, direction dans mirail sa, létemps pou guetté, blessé partout, capave mem perdi la vie.
— Dire enn coup, twa ki konn tout…
— Pas tout Ti-Louis, un peu de tout…
— Sa même… Tête Pied Nu et Madame Buro, zot pas siposé finn nommé pou qui fer gouvernement gagne cash ?
— Ti-Louis normalement oui…
— Kifer zot pé applique bann directive ki fer gouvernement perdi cash ?
— To péna tord Ti-Louis, quand annule lécourse, c’est gouvernement qui perdi cash.
— Samem qui appel to lapes, zot zet dan lamer.