Par PATRICE OFFMAN
Enn zour pou rapel… Le 21 Fevrie 1999 apre lamor Kaya, ti ena enn sitweb ki ti kree spesialman pou invit tou bann Morisien Later avoy zot kontribision pou partisip dan sa levenman ki ti organize sou Prezidans Cassam UTEEM, dan Reduit. Ti gagn drwa avoy enn tex ouswa enn zimaz. Inspire par saki tinn arive, sit-la ti apel « ansam nu fer mirak ». Ti ena enn lasenn dimounn ki ti trap lamin pou fer letour Moris. Nek rapel ki pandan emet-la, ti ena enn danzere de-rapaz etnik akot nou ti lor bor enn lot ba-gar rasial… Mem si tinn reysi touf dife-la a lepok, bann kondision-la touzour la, me invizib. Si depi sa lepok-la zame napa finn gagn volonte pou fer saki bizin, kouma an parti inn dir dan rapor Ma-tadeen an 2000 abe nou pe asiz nou lor enn poudrier… 23 zan plitar, selebre
serye, me pli inportan se komemore. Mem si enn gro lakoler pran nesans, Mo-risien inn kapav malgre tou dan so sime difisil, montre so matirite, mem si bann pi-romann touzour la e pe sey alim sa vilin dife-la. Mem si nou ankor frazil e ki dera-paz posib, nou sime ansam pas par geri nou leker, parski nou tro kontan nou pei e tro kontan nou zanfan pou bril nou prop lakaz. Pou ki nou zame blie… “ansam nou fer mirak”
