Bam Cuttayen
Amandla pou Mandela
Pou Amandla Biko koule
Loraz kriye lor Sharpeville
Lapli lamor kouver Soweto
Laenn pouse dan kouler lapo
Ek disan ekrir listwar Lazani

Kouma dan move sezon
Fey dan pouvwar divan
Dan lafiev Soweto zanfan perdi sime
Rimer ki’nn nouri gardien laparteid
Depi yer sanse zo’nn travers lafrontier
Ni Botswana, Zimbabwe zot pa finn ale
De mwa apre, tann dir zo’nn antere

Ki lapli dolar ki nouri rann
Pou later lafrik li morsele
Ki lespri malad inn fabrik zouti
Pou sey fer listwar rekile
Dan so lamars laparteid
Pe bouf laser kouler lebenn

Si sakenn laba konpran valer lavi
Bizin tou kouler pou bote liniver
Si dime manivel tourn dan sans kontrer
Laparteid va bouf so prop disip
Kouman lanez ki fonn dan gran soley
Tansion Lazani koule ek tou so zanfan

Amandla pou Mandela