NICK JORDAN ALI SAUMOO
Lapolitik li enn lar
Lapolitik pa insit bagar
Lapolitik li la pou regle nou bann problem
Me bokou servi li pou nouri laenn
Lapolitik li la pou trouv bann remed
Zame bizin servi li pou anbet lepep
Lapolitik li la pou pres bon moral
Enn politisien bizin tret tou dimounn egal
Lapolitik li gard so pep ini
Li protez li, li valoriz li e sirtou li pa diviz li
Lapolitik konn kas so linportans
Akoz sa li evit fer bann move depans
Lapolitik konn valer lanatir
E li fer tou pou donn nou lafore enn lavenir
Pou mwa lapolitik se sa
Nou tou mars lame dan lame
Avanse tipa par tipa
Pou nou gagn bann bon rezilta