NICOLAS FANNY
Dan to fason, to ti spesial
Malgre tou to defo, nou ti kontan twa
Tonn trouv mwa grandi
Tonn trouv mwa fer bann betiz
Me zame tonn dir mwa kiksoz
Tonn touzour aksepte mwa kouma mo ete
Tonn trouv premie fwa mo ti tom amoure
Tonn trouv mo leker kase
Ek souvan to ti delese
Zordi to pe ale
Pa pou retrouv twa zame
Boukou dimounn pe plore
Parski pou zot to ti ena enn plas bien partikilie
Twa, se mo lanfans, mo ladolesans
Ek mo komansman laz adilt
Mo kone tonn bien plore parski depi monn gagn
loto Mo pa vinn get twa ditou
Me mo ti touzour ena sa regar nostalzik
kan mo ti trouv twa
Mo kapav ekrir enn ta lor twa
Telman ena pou rakonte
Mo pena regre monn konn twa
Parski tonn bien protez mwa
Malgre to ti kontan les boukou etranze rest kot twa
Nou ti aksepte twa
Mem si souvan nou ti dir twa pa tro eberz tou lera !
Zordi inpe tar pou dir twa, mo kontan twa.
Mo pou kapav gard zis to souvenir.
Ek dir twa “bye” an swetan ki zenerasion fitir,
Vinn depoz enn ti bouke fler
Pou dir twa to pou touzour dan nou leker
R.I.P Lagar Kirpip