Ankor enn fwa tonn sok mwa Moris
Si Por-Lwi ti kapav koze, li ti pou dir mem zafer !
Pli etonan, monn mem trouv enn lapolis
Pe kriye « Bour li deor », san ezitasion, san laper
Si koltar ti kapav dir komie lipie linn sarye zordi
Komie soulie, savat, tanga, komie ti pie ni
Rouz, ble, zonn, ver, ti pe flote, bien avan ki Wakashio koule
Me ti bizin pas dan sok, pou ki nou rapel nou kouler !
Zot inn esey kouyonn nou ar Duty Free lor sigaret, lalkol
Zot inn aret pas diber, alor zot koumans bat lakol !
Zot anvi divizion, me nou nepli dan klas matematik
Lepep pe demann ladision, Pra20 Junio koumans tir to kalkilatris
Mo tris me an mem tan zwaye,
Moris, nou pa pou les twa nwaye
Bruneau Laurette se la gout do kinn fer debord losean
Pra20 Junio met to zile sovtaz,
Inn ariv ler pou chek divan parski lepep nepli kapav
Malgre tou so laraz,
Li pe azir dan disiplinn, li pe azir san derapaz
Et si tonn apresie tex-la, pa ezite pou to partaz
Enn gro mersi pou to prezans, pou to pasians, pou to tapaz
Peace !