Sans oeillères ni coton…

Le changement c’est pas maintenant
— Éta Ti-Louis, ki position ? Kot to pé aller encore là?
— Là mon ami, sérieusement, mo napa koné. To fine trouve sa zistoir-là. Tête Pied Nu fer annule sa lécourse-là. Kot nous pé aller dans sa pays-là ? Mo bien croire fine l’heure pou mo aussi mo dire JE SUIS CHAMP DE MARS.
— Hey pas mal sa slogan-là. Mais dire moi Ti-Louis, te connaissant, ki parti Champ de Mars to pou «Je suis…» ?
— Ah oui to éna raison, mo pas pou capave JE SUIS tout le Champ de Mars, parmi mo croire ki éna inpé boukou zafer ki bizin sanzé.
— Moi mo bien croire que le Changement C’est Maintenant. Manière pé aller, mo bien croire ki un de ces quatre matins, Commissaire pou bizin zwenn pou décidé si pou vann baja dans Champ de Mars.
— To croire enn zafer pareil pour arrivé ? Ti croire pou capave éna lécourse sans baja?
— Ti -Louis, zot fine zwenn samedi, ki décision fine prend? Zéro. Zot fine rézwenn mardi, ki décision fine prend? Encore enn fois zéro…
— Mais mo tann dire ki Clark Gable bien emmerdé, inpé kouma Moustas li emmerdé et mo croire ki Big Boy et Bruce Springteen aussi ne sont pas à l’aise. Mo tann dire aussi Ti Teckel pé envi ki so cousin rétourné.
— Ki mo fek dire toi Ti-Louis zot mem zot pas koné ki zot oulé et zot envie dirige lectures dans Maurice.
— Ki mo pou dire toi brother, zot koumadir kankrela dan boutey. Net bouger mais pas capave sorti.
— Donc changement pas pou zordi sa alors.