Sans oeillères ni coton…

The Lady in ROUGE
— Eta Ti-Louis ki position? Dégagez vini toi, kot to pé aller.
— Ki ena encore la? Ki palabres to pé fer encore? Mo bien croire mo bizin cause dans les oreilles de Rosanne pou donne toi ene Equidor la fin la saison. To fine casse tout record.
— Pas palabres sa Ti-Louis. New… hot news même.
— Hein… ki pé déroulé encore? Le consultant pé mal consulté ou sa zot fine découvert qui Innocent pas si innocent qui sa?
— Eta Ti-Louis … tone déjà trouvé ki le Pape perna raison. Non ta, to pas fine trouvé qui ena ene dossier ki pé mari bouger. A la vitesse de l’éclair même mo pour dire.
— Oui toi, sa dossier l’écurie ki to pé causé là?
— Sa même sa brother. En sel coup couma dire sa ban souval ki fine trouve ban produit interdit lors zot. Zot casse la baraque.
— Effectivement, to croire qui ena anguille sous roche sa?
— Ti-Louis dans Champ de Mars pas capave cause anguille bizin cause Anaconda. Parski to koné au royaume de hypocrites, les Snoek sont Rois.
— D’après l’ordre sa dossier ena ban safer ki pas normal. To comprend toi couma ene dimoune ki zamain fine entraîne en esouval pou gagne permis entraîneur?
— Ti-Louis pas so compétence qui causé la, so poche ki causé. La encore pas sûr so poche sa.
— Ki to pé cause Sergent Garcia. Tan dire que c’est ene célèbre marque café qui derrière sa l’écurie la. D’après l’ordre, zot adrénaline pou fort labas.
— Ti Louis pas ene marque café, c’est la dame qui a un célèbre Coffee Shop
— Hein … sorry brother. Sa même se madame ki zot appel li Lady in Rouge?
—  Ti-Louis pas cause sa fort, taler to gagne problème.
— En tout cas mo chagrin ban photograph. Big problem zot pou gagner si zot tire so photo.