Sans oeillères ni coton…

Lezel cassé
— Eta Ti-Louis ki position my brother. Still going strong?
— Strong? Si to pas strong ici mon ami ou natte dans coup de vent. Enler enler to aller.
— Pas causé Ti-Louis mo même mo ti tandé ene zafer pé préparer pour samedi. Zot dire top chef sa. Pas capave perdi. Ler mo tanne sa mo fine fit mo couteau bien même mo dire toi. Baisé! ler geutte résultat zero dans la queue.
— KI fine arrive toi man? Toi osi to pé croire dans sa ban marchand de rêve la? To pas pé trouvé ki au lieu de rêve zot pé vendre disab pour ki sa bouche to deux li yeux et to pas trouve rien.
 — Vrai même sa Ti-Louis. Mo ki croire kouma Ferguson pou to pou tap plein. Kot sa, mo dire toi Ti-Louis lezel cassé dans la ligne droite, li roulé kouma ene Massey Ferguson. Li ti mari lourd mo dire toi, kouma dire ene Maurice Boeuf dans la ligne droite.
— Sa mo frère ena anguille sous roche. Pas capave la veille li ti kouma dire sa l’aigle américain et lendemain so lezel cassé. Ler bizin envolé, li fer vole plané.
— So vente ti trop lourd sirement. Sa même to fine trouvé ki li ti pé ramé koum sa.
— Laisse mo dire toi ene zafer. Ena ene ti causé ki pé circulé lors sa farwell party la. Zot dire qui fête la ti fer la veille. Zot fine donne li trop boucoup dilo. So vente fine gonflé kouma léponge.
— La Ti-Louis to pé raconte moi ene zistoire kouma dire l’âne qui travers la rivière avec l’éponge au lieu disel dans son sac.
— Etat héé, aster la to remarquer ki zot pé prend toi pou ene bourique?