Sans oeillères ni coton…

Noted
— Éta Ti-Louis, ki position mon ami ? Mo finn trouve twa bien azité samedi. Ki finn arrive twa koumsa ? Ti éna fourmi dans lipyé.
— Twa tou zafer to trouvé. Mo sir séki passé kot twa to pas trouvé.
— Ti-Louis my good friend, kifer to en colère kouma mo dire twa enn zafer ki vrai ? Keep Cool, Innocent est dans la place.
— Hein, mo ti koné lors lamem to pou vinn fer to palab ar mwa. Sa to trouvé kot li été, mais séki bizin trouvé to pas oulé trouvé. To pé vinn kouma la zistis dans sa pays-la, to guet ar enn sel lizié.
— Kozé Ti-Louis, mo trouve twa en forme dépi ki to bourzois finn rétourné.
— Ki mo bourzois to pé kozé ?! Moi je suis fidèle en amitié. Paul Torro ki fer cerf-volant lors Independance et kas dibwa-pikan lors Vettel. Sa to pas trouvé ? Rien à dire, nothing to declare, nichts zu sagen…
— Ti-Louis, ki mo finn fatigué dire twa ? Paul Toro finn transforme li en SDF, li kas pikan partout asterla. Alle dimann Long Hair ki kalité coupé so pogné pé coupé tous les semaines. Tann dire disan.
— To pé koz disan, sa zistwar 10 longueurs divan et perdi après la, sa pas tann naryé. Sa ousi « explanation noted ». Paryé ti enn vrai Mauricien, Rs 25 000 plus trois semaines suspension. Ladan ousi guet ar dé lizié.
— Malgré tout Ti-Louis, mo trouvé ki to finn bien amizé kot Ton Michel…
— Noted…