Plusieurs activités ont été organisées dans les différents établissements scolaires pour marquer la fête nationale. Des élèves du Camp-de-Masque State College et leur enseignant du kreol morisien (KM) ont ainsi écrit des poèmes pour faire état de leur appartenance à leur île. En voici quelques extraits.
POEM 1
Mo zoli Moris… Mo zoli Moris ?
Roz-la rouz
Lesiel ble
Soley zonn
ann-la ver
Zoli peizaz
Kouver avek niaz
Bann zwazo zot plimaz
Ape bate pou donn kouraz
Vag-la ape kraze
Bann ti-zanfan ape naze Ala zot sove
Kan lamare monte
Zame nou pa ti predir
Lamare pou vinn marenwar
Kot lavi pou vinn otan dir
Peser, plezansie pou viv enn kosmar
Gouvernman ape lite
Lopozision pa bliye kritike
Bann sitwayin pe manifeste
Me lepep pe touzour ede
Kisann-la pou dir
Lavi pe vinn koumadir
Apre 54-an lindepandans
Moris finn gagn enn santans
Kovid finn vinn lasasin
Kalamite natirel pe detrir imin
Me pa bes lebra twa malin
Kontign tras to sime kouma marin
Roz-la nepli rouz
Lesiel nepli ble
Soley nepli zonn
Kann-la nepli ver
Peizaz nepli peizaz
Zanfan nepli zanfan
Me seki finn reste
Twa e mwa, ape koste
Pou enn meyer limanite
(Asvin Sembhoo, enseignant du KM)
POEM 2
Lil Moris, zoli ti-zil
Nasion larkansiel
Rouz, ble, zonn, ver
Nou travay avek larder
Nou laswer kat kouler
Esklav finn tap pios avek lafors
Fwet ti pe rezonn lor zot ledo
Me lebra zot pa finn bese
Met finn dezespere par fors
1968, nou finn lev nou pavion avek fierte
Indien, Mizilman, Sinwa, Kreol
Tou finn gagn zot liberte
Lame dan lame nou finn batir
Pou enn meyer lavenir
Enn sel lepep, enn sel nasion morisien
(Jaimison Ramtanon, élève en Grade 7 Red)
POEM 3
Lil Moris, li nou patri
Samem nou paradi
Rouz, ble, zonn, ver
Nou kadrikolor pe flote dan ler
Zoli laplaz Sato-de-sab ek kokiyaz
Flote dan ler, bann feyaz
Amenn bote dan lantouraz
Dan lape, zistis ek liberte
Nou tou pe viv, tou kominote
Avek tou lonette
Dan trankilite
(Joey Uppadoo & Kemraj Marday, élève en Grade 7 Red)