DEV VIRAHSAWMY
- Publicité -
Mo seve Malbar, to seve pikpik;
To seve lalwes, mo seve Lafrik.
Mo vwazen pe dir pa kapav kontan
Parski gat nasion pe fer malefik.
Tou seki fizik pronons diferans;
Resanblans kasiet dan metafizik.
Les zot palabre, zot kontan zaze!
Ti pikir moustik pa pou touy mistik.
Mo lamour pou twa, to lamour pou mwa
Samem gran kado nou Senier Mazik.
Vishnou vinn Zezi, Zezi vinn Vishnou
Pou fer liniver vinn plis manifik.
(because we are different
they say it cannot be love
what is visible conceals
what, in fact, is most alike
Vishnu-Jesus taught us this
but we do not remember)