Sanzman ?

— Ah ben Beti, how are you ? Mo espéré ki tout dimoun bien kot toi.
— Bizin dire nou korek zordi, Mawsi. Mais franchement vous dire, mo bien tracassé pou l’avenir.
— It is the same for all the world, my dear. Dépi ki sa pagla Donald Trump finn déklar la guerre avec l’Iran.
— Ou kapav explik moi ki manier so bann miniss, so bann conseillers, so bann general kapav laisse li faire séki li envi kumsa ?
— This is what you call politics. Maurice aussi parey, non ? Tout bann minis pas dire Yes Sir kan zot PM kozé ? Kuma appel zot aster la : bann chatwa ?
— Ou éna raison Mawsi, apel zot chatwa. Ti parey enba Pravin : kuma li dir kiksoz, mem kan li pé fané, so bann minis tap la main dir li énan raison.
— It was the same for Bérenger. Aster la, apré mo népli koné komié banané ki zot finn travay avek li ki bann dirigeants MMM pé dékouver ki li enn diktater ki énan bézer karakter ?!
— Komdi mo grand garson : bann dirigeants MMM pé découver Lamerik lor map !
— Découver Lamerik lor map ! That’s a good one. Akot zot aussi bann prix finn augmenté ?
— Ki mo pou dir ou, Mawsi ! Tout finn monté dépi ki l’essence ek courant finn augmenté. Faudré ou get so kalité kozé foutan pou gouvernement ki énan lor Facebook, mo dir ou !
— There are so much things on Facebook ! Ki dimoun pé dire kumsa lor gouvernment ?
— Zot pé rejoué tou bann vidéo ki l’Alliance ti fer pou élection. Ou tann Jumun dir ki kuma zot pran gouvernement zot pou baisse prix l’essence. Ou tann Assirvaden dir ki kuma nom li minis, li pour fer baiss prix courant. Zordi sé le contraire ki pé arrivé.
— Yes but you have to take in account the war. Kan ti fer éleksion, Donald Trump pa ti enkor declar la guerre avec l’Iran.
— Dimoun na pa oulé konpren sa zot. Sirtout ki minis Commerce finn fek dir ki « probablement pou énan enn lot augmentation prix l’essence ek diesel ! »
— For what reason ? Dapres séki mo comprend, prix pétrol finn rebaissé sa semenn-la.
— Ayo Mawsi, mo pas konné ki manier zot kalkil prix dans Maurice, mais plis li baissé labas, pliss li augmenté ici. Apres énan comersant pe faire profiteurs dans sa zafer la. Zot pé fer maja karo mo dire ou.
— What do you mean by that ? Ki manier zot pé fer profiteurs ?
— Premié dabord éna pe van zot bann stock ki zot finn asté avant la guerre avec prix apres la guerre. Mercredi soir kan finn anons augmentation prix lessence, éna filling fermé pou zot kapav vann lessence ki zot énan dan zot stock lor nouveau prix.
— If it is like that, I understand when you mention profiteurs. Ki gouvernement pé faire kont zot ?
— Ayo, ki mo dir ou, Mawsi. Enan miniss dir ki prix lessence dans Maurice encore bien bo marché. Lot pé dir ou ki zot pé faire tous seki zot kapav pou protez Mauriciens.
— Are they walking the talk ? Eski zot pé fer séki zot pé dire ?
— Alle fer en létour dans supermarché ou va guetté. Avant avek cinq mille roupie mo ti kapav rempli mo caddie pour enn mois. Dir moi ki kantité commission mo kapav asté zordi avek mem kantité la monnaie, Mawsi ?
— It is a difficult question, Beti. Disons ki to kazpav gagne au moins enn la moitié caddie avek to cinq mille roupies.
— Ou fer riyé, Mawsi. Enn quart caddie pou pas sire ou kapav rempli ! D’ailleurs mo népli servi caddie, zot trop grand. Aster la mo servi ti panier !
— Bapre bap mo tifi, kumsa Maurice dans bez ? And what is the PM saying and doing ?
— Mais li pas la, Mawsi.
— What do you mean by : li pas la ?
— Savédire ki Premier ministre pas dans pays pour lé moment.
— Do you mean that your PM is not in Mauritius in these very difficult times ? Li finn all signe en lakor pou ki Maurice asté lessence bon marché ?
— Non, Mawsi, PM finn alle dans Congo-Brazaville pou assisté cérémonie pret serment so président
— Are you saying that kan Maurice enan difé dans lanka, so PM pé assisté cérémonie pret serment dans enn pays l’Afrique ?
— Sa meme mo pe dire ou, Mawsi ?
— Kisanla sa président Congo-Brazaville ki finn fek élu ?
— Mo grand garçon finn all rode lor internet. Sa president Congo-Brazaville la li ti ou pouvoir dépi 1979 ziska 1992. Apres finn éna coup d’état, mais li finn revinn o pouvoir dépi 1997 ziska zordi.
— You mean that this president is in power for more than 42 years ! Li finn rest au pouvoir plis longtemps ki Robert Mugabe ! Sa kalité president africain ki Navin frékenté ? What are the links between them ?
— Sé enn kestion ki boukou dimounn apé pozé dans Maurice, Mawsi. PMO pé dir li ti important ki PM alle sa cérémonie parski aster la Maurice pe dévelop en stratégie diplomatique avec l’Afrique.
— Tell the PMO to stop koz nimport do ! Au lieu li rest dan so pei pou prend bann decision pour faire face crise économique, to PM li préfer al vacarné en Afrik !
— Ou koné kli lopposition pe dir, Mawsi : ki Navin prefer so bann old friends ki sa pei !
— I have to agree with them. Aster la mo aussi mo énan enn kestion pou koz bann dimoun, kuma toi, ki ti envi changement.
— Ah bon ? Ki kestion, Mawsi ?
— Kisanla ti dir ki Navinchandra finn sanzé ?!
J.-C.A.