The Invisible Man
— Éta Ti-Louis, ki position ?
— Pas causé, pas causé !
— Ti-Louis, mo bien croire to zafer pas bon hein pou to cause sa qualité-la. Avant même mo fini causé to fini coupe moi la parole.
— Hey, arrête fer to vierge effarouchée ar moi la. Kouma dire to pas pé koné ki fer mo bien emmerdé la.
— Ki arrivé Ti-Louis, tu te laisses pousser la moustache, to pé … emmerdé. Mais comme dirait ton ami, faudé croire zot imcompétant même pou ki sa bann zafer-la arrivé.
— English Boy même pé dire zot n’a pas konn naryé. Big Curry et Dev Big Moustache pas ti vine dire qui Virer Mam fine dire zot vine « clear all this mess ». Mo pé trouvé kouma dire zot mem pé mett désordre la.
— To fer moi croire The King fine capave trompe ziska la vigilance de la police ? Mieux qui l’homme invisible sa. Kouma dire sa boug qui joué dans X Men la. To koné, sa boug ki lire dans l’esprit dimounn et qui contrôle toi ? Mo bien croire ki quand The King fine rentre l’aéroport samem li fer ar la police.
— Moi mo pose moi la question pou koné ki Big Curry ti pé fer.
— Ti-Louis, li ti pé trop occupé pou fête la victoire.
— Hein, to pé dire moi qui li ousi fine rentre dans le péché ?
— Non ta Ti-Louis, to pas ti trouvé li ti pé fer la tournée bann radios pou célébrer la victoire de « Piti Papa la » ? Samem so vigilance fine trompé.
— Mais dire moi enn coup seulement, kouma The King fine fer pou alle sur la pointe des pieds kouma sa ? Le Français pas ti pareil, ki fer li pas ti capave allé, mem alle dépose enn fleur dans cimitière li pas ti gagne droit ?
— Kouma dire sa pa rappel toi naryé…
— Ha, ha, ha ! What à joke. Kan Invisible Man et Invisible Hand zwenn ensam, film-la fini seryé net.